Teksa pedagogët në vend kanë dalë ditën e sotme në protest për të kërkuar rritjen e pagës dhe një rivlerëim të mundi të tyre në lëm të arsimit, kreu i qeverisë Rama ka inspektuar kampusin e madh që po ngrihet pranë Universitetit Bujqësor.
Por a do të jetë gati kampusi për në datën 17 tetor që nisin edhe universitetet?
Nga informacioni i ofruar prej Arbër Maznikut, për nisjen e vitit të ri akademik do të jenë gati vetëm dy godina, ndërkohë që të tjerat pritet të bëhen gati në janar.
Shumica e studntëve janë gati të hyjnë që tani me nisjen e vitit shkollor, sqaroi Mazniku kreun e qeverisë Rama. Janë 5 godina. Për momentin janë dy godina që janë bërë gati dhe në Janar do të jetë gati dhe grupi i dytë. Një prej tyre presupozohet të vihet në përdorim të universitetit për pjesë mësimore, dhe pastaj në diskutimet që kemi dhe me partnerët e tjerë, të shohim si do ta… Po të paktën dy prej tyre mund të përdoren për tekno parkun, duke e çuar logjikën pastaj në qendrën e nanoteknologjisë, një për universitetin një për teknoparkun dhe 4 rezidenciale për studentët, sqaroi Mazniku mes të tjerave.
