Në intervistën e tij dhënë në Vizion+ kreu i qeverisë Rama u shpreh se kreu i PD-së Lulëzim Basha qe një lider pa karakter sa i takonte lidershipit, përkundër Sali Berishës, i cili qe karakterizuar nga një karakter i mbrapsht. Pikërisht për këtë motiv, sipas Ramës, dështoi edhe marrëveshja mes tij dhe Bashës më 17 Maj të 2017-s e cila, nëse do qe zbatuar, do kishte qenë dhe baza për të ndërtuar një bashkëpunim më të gjerë mes dy kaheve politike.
Nuk ka lider pa karakter, tha Rama. Berisha e kishte të mbrapsht, por e kishte. Lider pa karakter do të thotë lider që s’merr dot vendime, lider që nuk mban dot fjalën që nuk ka fuqi të mundë gjumin, lider që nuk udhëheq, por udhëhiqet, jo vetëm nga persona por edhe nga ngjarjet, e të githa këto e bëjnë karakterin e Lulezim Bashës të pakarakter. Metafora e kukullës shpjegon më së miri natyrën e tij të lidershipit, e një lidershipi të dobët, pa karakter, dhe tërësisht të adaptueshëm sipas programit të kurdisejes. Nga ekstremi i udhëheqjes së një revolucioni imagjinar, dhe i atij që bën thirrje për të marrë pushtetin me rrugë alternative, pa zgjedhje, tek versioni i dhëndrit të mirëokllaisur, për të shpërndarë buzëqeshje dhe premtime, të cilat janë totalisht të parealizueshme. Unë besoj shumë që të dyja këto pozicione ekstreme, lidhen me faktin që Lulezim Basha nuk është njeri i lirë, është një njeri i marrë peng, i kapur njeri që është vendosur aty për të marrë urdhëra dhe për të vepruar sipas këtyre urdhërave.
Marrëveshja e 17 majit për mua nuk kishte lidhje fare me sa vende donte Basha në qeveri apo nëpër drejtori. Unë i thashë mund të marrësh gjithë qeverinë, përveç kryeministrit, merr këtë të duash, mund të marrësh gjithë drejtoritë, merri. Pyetjes pse po m’i jep të gjitha këto, dhe çfarë do nga unë, iu përgjigja: “Kush fiton qeveris, kush humb bën opozitë, Shqipëria nuk merret më nëpër gojë në gjuhë të huaj, ambasadorët nuk kanë më punë mes nesh. Kush është kryeministër dhe kush është kreu i Opozitës komunikojnë me njëri-tjetrin për cështjet e rëndësishme dhe secili vazhdon punën. Dhe e gjitha kjo do ishte baza për të ndërtuar një baza për të ndërtuar një bashkëpunim më të gjerë.
