Regjisori i famshëm Quentin Tarantino, ka deklaruar gjatë një interviste dhënë Brian Koppelman, se nuk i ka dhënë kurrë sikur një qindarkë të ëmës nga fitimet e veta, për shkak se kur kishte qenë i vogël, ajo nuk e kishte mbështetur në pasionin e tij për të shkruar skenare.
Ishte skeptike ndaj pasionit tim, pohon ai në intervistë. Donte që të hiqja dorë dhe unë atëherë i premtova vetes se me tu bërë i famshëm, nuk do t’i jepja gjë prej gjëje. Dhe kështu ndodhi.
Regjisori ka rrëfyer se ka shkruar skriptin e parë që në moshën 12 vjecare, me titullin “Captain Peachfuzz and the Anchovy Bandit”, por për shkak të vështirësive në shkollë, e ëma nuk qe kënaqur, qe ankuar madje, dhe me ton sarkastik, i kishte thënë se tashmë “karrierrën si shkrimtar” mund ta konsideronte të mbyllur.
Qe pikërisht ky kur i premtova vetes se, me të arritur suksesin, nuk do të shihte kokërr leku nga unë, pohon regjisori. Jo shtëpi për time më, as pushime, as makina. Një premtim që e kam mbajtur.
Tarantino shpjegon se fjalët që i thuhen një fëmije kanë gjithnjë pasoja dhe, sipas tij, sarkazma e prindit mund të jetë vërtet e rrezikshme dhe e vështirë për t’u gëlltitur.
Në dhomën time luaja me kukullat e mia dhe krijoja skena aksioni. Ndodhte që përdorja fjalë të pista, dhe mamaja më qortonte. Më duhej t’i shpjegoja çdo herë, se nuk kisha qenë unë, por personazhi, përfundon Tarantino.
