Teksa lufta në Ukrainë mbush muajin, mediat botërore bëjnë me dije se presidenti rus Vladimir Putin ka vendosur të mos pranojë më euro dhe dollarë në shitjen e gazit, por vetëm rubla.
Njoftimin e ka dhënë vetë presidenti rus Vladimir Putin, dhe menjëherë pas deklaratës së tij monedhat respektive pësojnë rënie, ndërsa rubla nis e ngrihet.
Gjithësesi thonë ekspertët, valuta ruse vazhdon të mbetet e dobët krahasuar me ç’ishte më përpara luftës.
Ndërkohë, pas deklaratave të Putinit, çmimi i gazit në Europë rregjistron një ngritje prej 34%.
“Ndaj çmimeve të ngritura e të lëvizshne të gazit, ne propozojmë bashkëpunimin dhe vendosjen e rregullave më të rrepta për stokun, sepse në vend që t’i bëjmë konkurrencë njëri tjetrit dukw ngritur çmimin, duhet të përdorim fuqitë tona, e të nisim të blejmë gaz së bashku. Si europianë, jo si 27 vende anëtare të ndryshme. Veç këtyre, duhet të garantojmë mundësinë e sigurimit të stoqeve, në disa vende anëtare, për të siguruar furnizimin e gjithë vendeve europiane”, deklaroi mes të tjerave pas deklaratës së Putinit, presidentja e KE-së Ursula Von der Leyen.
