Ka përfunduar takimi i kryeministrit Rama me naftërtarët e Ballshit, të cilët kanë pranuar ofertën e kryeministrit deri në një zgjidhje të situatës. Derisa të zgjidhet situata, kryeministri u ofroi atyre një pagë të ndërmjetme, të cilën do ta marrin deri kur të përfundojë procesi gjyqësor me kompaninë private.
Punëtorët kanë deklaruar se do t’i shkojnë çështjes deri Strasburg, për të vënë në vend të drejtën e tyre.
Ndërkaq Rama ka deklaruar se brenda 48 orësh do të takohet me përfaqësinë e tyre për të kaluar në veprim, teksa është shprehur i kënaqur për bashkëpunimin dhe mirëkuptimin e naftëtarëve.
