Çështja e prishjes së banesave në lagjen “5 Maji”, banorët e të cilëve vazhdojnë ende protestat, ka qenë në fokus ditën e sotme edhe të ish liderit historik të PD-së, Sali Berisha.
Teksa shkonte në Kuvend, Berisha deklaroi përpara gazetarëve, se ka ndërmend të ndërmarrë një nismë ligjore për mbrojtjen e banesave të shqiptarëve.
Informoj, tha Berisha, se do të merret nisma ligjore në parlamet për mbrojtjen e banesave të qytetarëve shqiptarë, se me praktikën që po ndjek kreu i Meduzës, janë qindra mijëra banesa të pasigurta në Shqipëri. Ju i keni raportuar vetë, mes atyre që ju prishën shtëpitë, janë edhe njerëz me tapi 40-50 vjecare, janë qytetarë që kanë lindur dhe bërë prindër aty, ndërtuar para vitit 2014, kur ligji parashikonte legalizimin përpara urbanizimit.
Aktualisht tha Berisha, banorëve nuk po u jepet as 9% e truallit, ndërkohë që zhvilluesit e tjerë, japin nga 25%: Edhe një herë dua t’ju informoj se sipërfaqja e ndërtimit është 490 mijë metër katrorë, tha Berisha. Nga këto 120 familje që sistemohen nga tërmeti, marrin mesatarisht 120 metër katror së bashku, 350 familje, të cilave u rrafshohen banesat në rrugën 5 maji, kërkojnë gjithësej 45-50 mijë metër katror, sipas llogarisë së sipërfaqeve. 9 % të sipërfaqes së banimit! Babëzia, hajnia, bën që Bashkia e Tiranës, me oligarkun famoz Salillari dhe pallat Kapllanin e Lulbravës, të mos pranojnë. Cdo zhvillues tjetër, jep të paktën 25 % të sipërfaqes, kurse këta nuk u japin as 9 % të sipërfaqes banorëve. Është ekstreme kjo, përfundoi lideri historik i PD-së.
