Ka mbajtur një fjalim të gjatë mbi tërhqjen e trupave amerikane nga Afganistani dhe precipitimin e situatës në kaosin aktual, kreu i qeverisë amerikane Joe Biden.
Në fjalën e tij Biden u shpreh se qëllimi i Amerikës gjatë tërë këtyre viteve nuk ka qenë të ndërtojë një shtet në Afganistan, por të luftojë terrorizmin, dhe ndaj, me shpërbërjen e al Qaeda-s dhe eleminim e Bin Ladeni-t, misioni i tyre qe kryer.
Ushtarët amerikanë s’mund të vdesin më për një betejë që afganët nuk duan ta bëjnë, tha mes të tjerave Biden. Ua dhamë të tëra mjetet, por nuk mund t’ju japim dhe vullnetin. Jam i bindur se vendimi im është i drejtë.
Jam i lënduar, por nuk më vjen keq për zgjedhjen. Nuk ka një moment ideal për të tërhequr trupat. Por dhe sa jetë të tjera amerikane do sakrifikonim?
Nuk kam ndërmend t’u kërkoj forcave tona të armatosura të luftojnë një luftë civile pafund. Nuk është në interesin tonë, nuk e kërkojnë amerikanët, nuk e meritojnë trupat tona.
Misioni ynë në Afganistan nuk u mendua kurrë për të ndërtuar një shtet atje, por për të shmangur sulmet terroriste në tokën amerikane. Shkatërruam al Qaeda-n dhe eleminiuam Bin Ladenin. Misioni ynë u krye.
Jam presidenti i katërt që merrem me luftën në Afganistan: dy demokratë dhe dy republikanë. Nuk kam për t’ia kaluar këtë përgjegjësi një presidenti të pestë. Çështja mbyllet këtu. Misioni ynë kundër terrorizmit që sukses, ajo e të ndërtuarit dhe e të ndryshuarit të vendit, jo. Dhe besoj se nuk do të qe kurrë.”
Mes të tjerave Biden kritkoi edhe largimin e presidentit afgan Ghani, e po ashtu edhe forcat afgane që nuk e mbrojtën vendin. Ai theksoi se do ta monitoronin me shumë kujdes situatën, se se do vazhdonin ta mbështesnin popullin afgan dhe e po ashtu do të ndihmonin gratë dhe vajzat.
Fjalën e tij Biden e mbylli me një paralajmërim për talebanët: Evakuimi i qytetarëve amerikanë që ndodhen ende në Afganistan, duhet të vazhdojë pa probleme. Nëse sulmohen anëtarët e ekipeve tona, tha ai, reagimi do të jetë i menjëhershëm.
