Më datën 19 nëntor Plutoni kaloi në Ujor dhe ky kalim shënon një periudhë interesante për të gjitha shenjat, sepse ky planet do të qendroj në këtë shenjë deri në 8 mars të 2043-it.
Ja se cfarë do të na sjellë ky Pluton në Ujor sipas astrologes së njohur Meri Gjini
“Ndryshimi i kësaj jave është ndryshim shumë thelbësor. Nisur nga data 19 nëntor, do flitet shumë, do dëgjohet shumë, do të ketë informacione pafundësisht, sa i takon kalimit të Plutonit tek Ujorët, i cili është një kalim që do të sjellë transformimet e veta, do të sjellë ndryshimet e veta. Ka vend edhe për vërtetësi edhe për abuzim, por zhurmat që do të dëgjohen do të jenë kaq të forta, saqë shpeshherë do të na çorientojnë, nisur në fakt edhe prej diskutimeve që ka pasur për Plutonin që nga 2020-a e këtej, duke ia veshur Plutonit tek Bricijapi, të tëra çfarë ndodhi, kur ndërkohë ne morëm një shije shumë të vogël, se çfarë do të sjellë Plutoni tek Ujorët.
Në 2020-n, qëlloi që kishim Saturnin tek Ujorët, kështu që morëm nëpërmjet Saturnit, një mini Pluton në anën negative të vet, se në anën pozitive është një tjetër gjë komplet, pra kalimi i Saturnit tek Ujorët, na dha shijen e parë se çfarë do të thotë ky Plutoni. Është e rëndësishme për t’iu kthyer historikut se çfarë ka ndodhur kur Plutoni kur ka qenë në shenjat e tjera, sa për të pasur një ide.
Në fazën kur kemi statistika, kur ishte Plutoni tek Binjakët, para Luftës së Parë Botërore, solli si ndryshim të parë aeroplanët dhe kemi përdorimin e tyre në ajër. Pra kemi një shenjë ajri, dhe Plutoni solli një mjet të ri në hapësirën e ajrit. Pritet që edhe ky Pluton të ketë diçka të re në lidhje me hapësirën, por do flasim më tej.
Kur Plutoni kaloi tek Gaforrja, patëm problematika të mëdha me luftrat. Ndjesia dhe qëllimi i gjithë asaj periudhe, ishte që të gjithë të ktheheshin në shtëpi, një pjesë e mirë humbi shtëpitë dhe pjesa tjetër kishin nevojë kishin nevojë për sigurinë e shtëpisë. Kur Plutoni kaloi tek Luanët, nisi të bëhej më dominuese kjo pjesa e politikave e informacionit, pra patën një ristrukturim ndryshe në vendet e zhvilluara e në vendet më pak të zhvilluara, pra hyri teknologjia, hynë disa elementë të rinj por ishte më tepër filozofik në vendosjen e vet. Asokohe kemi lëvizjen e feminizmit, pra po flasim revolucionin seksual, në botën e qytetëruar. Pra patëm filozofi dhe koncepte të reja,
Kur ky Pluton kaloi tek Virgjëresha, u futën fuqishëm pjesë të teknologjisë në ambientet e punës. Pra u lehtësua njeriu në hapësirën e punës, por duke pasur zhvillime të forta. Në këtë periudhë ka pasur zhvillime shumë të forta edhe në gjëra që lidhen me shëndetin, pra ka pasur shumë kërkime, shumë eksperimente, investime për ta përmirsuar.
Kur ky Pluton kaloi tek Peshorja, ishte çështja e politikave, ka qenë një formë politke që tek ne ndodhi në ekstreme, pra për shqipërinë ndodhën brenda të njëjtit cikël ekstremi i komunikimit dhe i dogmës, të kuptuarit të pafuqisë së saj, e njëkohësisht edhe fillimi i transformimit.
Me Plutonin tek Akrepi ndodhi Muri i Berlinit, rënia e qeverisë komuniste. Kur Plutoni ishte tek Akrepat, është folur shumë për SIDË-n. E keqja e asaj periudhe duket sikur lidhet sërish me infeksionin. Ka qenë në kohën gripit spanjoll, kur Plutoni ishte tek Binjakët, e po ashtu edhe në kohën kur ishte Plutoni ndodhej tek Akrepat, pra në dy periudha, që po ta marrim tamam-tamam, na japin atë shijen se çfarë bën Plutoni.
Dhe arrijmë tek Plutoni tek Shigjetarët, kur u zhvillua informacioni, u zhvillua nevoja për arsimim për lëvizje, për riqarkullim të njerëzve nëpër botë. Por ka pasur diçka që ishte ndryshe, ishte pozitive, dominoi humanizmi, pra një tendencë për të ndihmuar njerëzit. Të paktën kështu na u dëgjua neve, gjë që rezultoi komplet ndryshe, kur Plutoni kaloi tek Bricjapi, që jemi shumë afër periudhës ku jemi, pra që nga 2008-a. Ky Pluton nxori në dominancën e vet arrogancën e pushtetit, por edhe vetë pushteti mori tjetër formë. Si të thuash, ky Pluton vrau kravatën e ngushtë të politikës, që ishte me Plutonin tek Shigjetarët, pikat konservatore të tij nisën të sfumoheshin, dhe të merrnin një formë komplet ndryshe. Dhe lakmia e tepërt e pushtetit, arriti që të zhgënjente njerëzit dhe të arrinte në ekstremin tjetër, të ekzibicionizmit, të të shprehurit, të të vendosurit.
Vijmë tek ky Pluton tek Ujorët, gjatë cilit do të flitet shumë për hapësirën, për mënyrën si do ta shfrytëzojmë, për teknologjinë do e dëgjoni gjithandej, dhe më kryesorja është që ne realisht të merremi, të na mësohet si kulturë në vendin tonë, kontrolli periodik i shëndetit. Pra minimalisht në varësi të moshës, një herë në vit, një herë në dy vjet, një herë në gjashtë muaj, duhet bërë kontroll, sepse problematikat në lidhje me virozat e mundshme dhe sistemin imunitar, do të jenë të ndjeshme, të paktën për këtë fazën e parë tranzitore. Në pjesën më të madhe, ose duke qenë se është në një vend ku nuk është se ka ndonjë potencial shumë të fortë tek individi, në pjesën më të madhe te njerëzve do të shoqërohet me zhvillim, evolim, receptim inteligjencë. Nuk do kemi ato krimet e organizuara krimet mafioze që kemi pasur në vitet kur Plutoni ishte tek Peshorja dhe Akrepat, që nxorri në sipërfaqe krimin e moderuar. Kjo gjë në këtë periudhë do të jetë shumë e moderuar. Do kemi të bëjmë me një IQ tejet të zhvilluar të kriminalitetit në fushën e teknologjisë dhe të mjekësisë. Pra kalon në tjetër formë abuzimi, tha mes të tjerave astrologia Meri Gjini.
