Karakteristikë e vitit 2022, është hyrja e planetit të fatit tek Peshqit, në datën 29 të dhjetorit të kaluar. Çfarë do të thotë kjo? Planeti i fatit, do të thotë që në çështje të vështira, në iniciativa të vështira, t’ia dalim mbanë mirë, që do të thotë, të guximshmit, ata që dinë ta shfrytëzojnë mirë, do të hedhin themele që do t’i rezistojnë kohës. Në rastin konkret, që Saturni është në familje të 12, gjërat nuk do të vijnë në kohën që i presin apo që i projektojnë, sepse Saturni është faktori i respektimit të kohës, por sado i ngadaltë të jetë ritmi, apo i parqartë të jetë ritmi, apo i vështirë për të projektuar si ritëm arritjeje, do t’ia dalin mbanë shumë mirë, dhe në pranverën e 23-it, kur Saturni të kalojë tek Peshqit, do të bëjë që këto iniciativa, këto gjëra të rëndësishme, që do t’u hidhet guri i parë apo gurët e parë të zhvillimit, do të kenë mundësinë t’i rezistojnë kohës në pafundësi.
Saturni do të vazhdojë të qëndrojë tek Ujorët. Momenti i Covidit, me sa mund ta projektoj nga pjesa e yjeve, tendencën e ka që faza e fundit e vështirë me pjesën e fizikut, të jetë nga 20 dhjetor të 2021 deri në 20 shkurt të 2022-it. Nga 20 shkurti deri më 20 mars, ka një zbehje të fortë, dhe pastaj do të kalojmë në periudhë ku pjesa fizike të mos jetë më problem i madh i kohës, sepse, në këto momente, fillon procesi i vazhdimësisë së ciklit në të cilin ndodhemi: Urani është tek Demat. Plutoni do të vazhdojë të jetë tek Bricjapët, deri në 1 prill të vitit që vjen, të 2023-it. Çfarë do të thotë kjo? Do të kemi ristrukturime të forta të ligjeve, ndryshime thelbësore në ligje, apo atë që është ligji në përgjithësi, dhe bëhet fjalë për ligjin në mënyrë të drejtëpërdrejtë në të gjithë botën. Ka të bëjë me ndryshime thelbësore të ekonomisë. Pavarësisht se ne si masë, do të na duken sikur janë larg veshëve tanë, por ata që merren me ekonominë, do kuptojnë se po shkohet për ndryshime thelbësore në ekonomi. Ndryshime thelbësore, që kanë nisur, por do të ndihen në pranverën e 2025-s.
Ngelet kryefjalë Toka, tërmetet po, por jo tek ne, sepse ne në gradët tona e kemi mbyllur këtë pjesë që në nëntor të 2019-s. Do të jetë kryefjalë në kuptimin që ata që kanë tokë në 2025-n, lum ata që kanë tokë për ta shfrytëzuar, sepse politikat apo mënyra e zhvillimit, do të ndihmojnë shumë ata që merren me bujqësinë, ata që merren me detin, me peshkimin e gjëra të kësaj natyre, por edhe mënyra se si do të shkojë kjo pjesa e pasurive të patundshme në përgjithësi, sepse në momentin që flasim, është drejt një gritje goxha të ndjeshme, por vlera nuk do fokusohet tek godina, por tek toka. Pra të përpiqen ta menaxhojnë mirë, pjesën e pronësisë së tyre, prat ë kopsisin letrat e gjërat.
Ne si vend e nisëm me një Hënë të Re në datën 2 tek shigjetarët, që do të thotë se do të kemi lajme të mira sa i përket zhvillimeve në vendin tonë, por në përgjithësi e kemi të zhurmshëm si vit, sidomos pjesën e pare, derisa të fillojë cikli i ri i diellit në 21 të marsit. Politikat do të shoqërohen edhe me skandale që do të jenë edhe nga bota, skandale shumë të zhurmshme, për muajin e parë, që mund të jenë politikanë, apo figura shumë të njohura, të mediave, apo gjëra të kësaj natyre.
Viti është aktiv. I dedikohet familjes dhe dashurisë. Ky planet fati jep optimizëm në vetvete, por dalin të fituar ata që kanë edhe ëndrrën edhe racionalitetin, për arsye të bashkimit të Planetit të Fatit me Neptunin tek peshqit. Në një pjesë të mirë të vitit, mund të kemi dhe emra të fortë të artit, pra mund të dalin emra të fortë të artit apo kreativitetit, modës, apo gjërat që kanë të bëjnë me të bukurën, ndërsa vëmendja e të gjitha politikave të fokusohet tek shëndeti mendor. Shëndeti mendor do të jetë tematika qendrore nga 21 marsi e për tre vjet, kështu që është shumë e rëndësishme që të niset me ndryshimin e politikave, në mënyrë që të merren masa, që kur të vejë Saturni tek Peshqit, të mos jetë problem madhor.
