Pas takimit me presidentin francez Emmanuel Macron, shkuar në Kremlin për bisedime kokë më kokë për çështjen e Ukraninës, presidenti rus Vladimir Putin ka shprehur gatishmërinë e tij për kompromis,
Sipas mediave ruse, pas një takimi 5 orësh kokë më kokë në Kremlin, dy liderat dhanë shpresën se mund të gjendej një zgjidhje për krizën më të rëndë mes Rusisë dhe Perëndimit, qysh prej mbarimit të Luftës së Ftohtë.
Duke falenderuar vazhdimisht presidentin francez për ardhjen e tij në Moskë, Putin deklaroi në konferencën për shtyp se Macroni i kishte propozuar disa ide që ia vlente t’i studionin . “Një sërë idesh, të dhëna prej tij, propozimesh, janë të mundura si bazë për hapat në vijin, tha Putin. Dhe do bëjmë c’është e mundur të gjejmë kompromiset e duhura për të gjithë”, vazhdoi kreu rus, duke mos dhënë detaje të tjera.
Ndërkaq, po në të njëjtën konferencë, Macron tha “Nuk ka siguri për evropianët, nëse nuk ka siguri për Rusinë”, duke pohuar se propozimet e tij përfshinin impenjimin e të dyja palëve për të mos ndërmarrë më asnjë akt të ri ushtarak, nisjen e një dialogu të ri strategjik dhe përpjeket për të nisur procesin e paqes në konfliktin e Kievit
Sipas mediave ruse, dy liderat, rus e francez do të bisedojnë sërish me telefon pasi Macron të takojnë presidentin ukrainas Zelensky-n në Kiev të martën.
Ndërkohë, presidenti amerikan Biden ka deklaruar se nëse trupat ruse apo tanket ruse e kapërcejnë sërish kufirin Ukrainas, ata do të mbyllin gazsjellësin Nord Stream 2, që kalon nga Rusia në Evropë, siç bënë në 2014-n gjatë aneksimit të Krimesë. “Nëse Rusia pushton – që do të thotë, nëse tanket apo trupat kapërcejnë sërish kufirin me Ukrainënë – atëherë nuk do të ketë më Nord Stream 2″, u shpreh Biden gjatë një konference për shtyp të shtëpisë së Bardhe me Scholz-in.
Vetë Putin vazhdon të mos e pranojë që fajin për situatën e tensionuar në Ukrainë e ka Rusia: “Të thuash që Rusia po vepron në mënyrë agresive, është e palogjikshme”, u shpreh ai mes të tjerave, në konferencën e sipërcituar për shtyp.
