Kreu i qeverisë Rama ka deklaruar ditën e djeshme se muajin ku sapo kemi hyrë, do të nisin shpërblimet e premtuara për pensionistët, paratë për të cilat janë mbledhur nga taksa e jashtëzakonshme ndaj ekspprtuesëve të mëdhenj të energjisë.
Me anë të një VKM-je bërë publike në faqen e tij zyrtare, Rama bën me dije se shuma totale e vënë në disruption për këto shpërblime, është 3 miliardë e 536 milionë e 735 mijë lekë, nga të cilat 3 miliardë e 508 milionë, e 665 mijë lekë për pensionet dhe 28 milionë e 70 mijë lekë, për shpenzime administrative.
“Lajm i mirë”, shkruan Rama, “Kur thosha qysh vjet në vjeshtë se do të vendosim taksë të jashtëzakonshme për eksportuesit e mëdhenj të energjisë dhe do t’ua shpërndajmë pensionistëve në prill, ata që ju e dini kush janë bërtisnin, ky është tatimi i jashtëzakonshëm komunist. E bëri BE-ja, e tha edhe këtu Ursula Von Der Leyen që po, kjo është diçka krejt e drejtë në këtë kohë krize dhe ata e mbyllën përkohësisht gojën. Pastaj e hapën para ca kohësh prapë, duke u qarë hallin pensionistëve se i mashtroi Edi Rama dhe se s’do merrnin asgjë, po kur e dëgjuan që kjo do të ndodhte siç ishte premtuar, u hodhën përpjetë se po shkelej Kodi Zgjedhor! Krejt e pavërtetë edhe kjo e kodit, si zakonisht kur ata hapin gojën xhanëm. Por ja ku prilli erdhi dhe taksa e jashtëzakonshme mbi fitimet e rëna nga qielli i luftës në arkën e eksportuesve të mëdhenj të energjisë, do të fillojë t‘u shpërndahet pensionistëve, si pjesa më e prekur nga pesha e luftës, po edhe më dinjitozja në qëndresën e saj përballë vështirësive të kohërave. Kjo është një tjetër masë lehtësuese për ta pas Pakos së Madhe, po nuk është e fundit, sepse ne nuk bëjmë dot sa duam për më të moshuarit, por nuk do të lemë kurrë pa bërë gjithçka mundemi. Më poshtë vendimi i sapofirmosur i qeverisë”
