Duket se Britania e Madhe po përballet aktualisht me një krizë të paundit, për shkak se monedha ka rënë ditën e sotme në nivelin më të ulët historik kundrejt dollarit, në vazhdën e uljes së taksave propozuar prej këshilltarit Këasi Këarteng.
Sipas mediave britanike, në mëngjesin e sotëm, monedha kishte vlerën e vetëm 1,0327 dollarëve, duke rënë kështu edhe më poshtë se vitin e saj më të zymtë, 1985, kur shkëmbehej me 1,0545 dollarë.
Për shkak se shumë mallra kryesore janë me çmime në dollarë, raportojnë mediat britanike, një paund i dobët rrit më tej inflacionin, i cili sipas parashikimeve aktuale pritet të mbërrijë në 5.5%, duke varfëruar kështu më shumë familjet britanike.
Paundi i dobët sjell probleme të mëdha po ashtu edhe për bizneset në Mbretërinë e Bashkuar, të cilat përballen me kosto gjithnjë e më të larta të importit të mallrave nga jashtë.
