Gjatë një dëgjimi të zakonshëm në Vatikan të Romës, Papa Françesku ka dekalaruar se të zgjedhësh të mbash kafshë në vend që të kesh e të rrisësh fëmijë, është një zgjedhje egoiste.
Sot, i tha Papa mes të tjerave publikut teksa diskutonte mbi prindërimin, shohim një tjetër formë egoizimi. Shohim që disa njerëz nuk duan të keën fëmijë. Ndonjëherë e kanë një dhe mjaft, por kanë qen e mace që zënë vendin e fëmijëve. Kjo mund tí bëjë njerëzit të qeshin, por është realitet. Praktika e mohimi të atësisë e mëmësisë na zvogëlon, e na heq humanitetin, tha mes të tjerave Papa, duke sugjeruar që edhe ata që nuk kanë fëmijë, duhet të adoptojnë e të mos kenë frikë të bëhen prindër.
Mes të tjerave Papa foli edhe për një “dimër demografik”, duke iu referuar me gjasa numrit të ulët të lindjeje, ku “shquhet qartë që njerëzit nuk duan të kenë fëmijë, ose vetëm një e jo më shumë”.
Por kjo nuk është hera e parë që Papa shënjestron ata që duan kafshët më shumë se njerëzit. Më 2014, nënvizon BBC, ai ka deklaruar se të mbash kafshë në vend të fëmijëve është “degradim kulturor”, e se marrëdhëniet emotive me kafshët shtëpiake janë shumë më të thjeshta se marrëdhënia komplekse “prindër-fëmijë”.
Ndërkaq, kafshëdashësit amerikanë raporton BBC, kanë reaguar ndaj këtyre deklaratave, duke e pritur Papën në vizitën e tij të radhës më 2015-n, me qentë veshur me veshjet papale, fotot e të cilëve shoqëroheshin prej hashtagut #popedog në Instagram.
