Gjykata pakistaneze ka dënuar me vdekje dy burra që kishin përdhunuar një nënë në sy të fëmijëve të saj të vegjël, krim ky që tronditi vendin dhe pruri një sërë protestash. Përveç dënimit me vdekje, raportojnë mediat vendase, Abid Malhi e Shafqat Ali u dënuan edje me dënim të përjetshëm e po ashtu edhe me një gjobë prej 50.000 rupish pakistaneze (320 dollarë).
Ngjarja kishte ndodhur në shtator, kur dy të pandehurit, kishin përdhunuar në një autostradë pranë Lahores, një grua të mbetur pa benzinë në mes të natës, fëmijët e së cilës kishin qenë në makinë.
Rasti provokoi jo vetëm protesta në mbarë vendin, por edhe nevojën e nxjerrjes së ligjeve të reja. Sipas medieve vendase, është hera e parë që kriminelët e një përdhunimi dënohen me vdekje, pas një procesi gjyqësor që zgjati rreth gjashtë muaj.
