Kreu i qeverisë Rama ka bërë me dije ditën e djeshme paketën e rezistenës soiale 2, ku parashtroi masat që do të ndërmarrë qeveria në mënyrë që kriza energjitike të mos rëndojë në xhepat qytetarëve. Paketa është konceptuar si një mbështetje afat-mesme, jo si një mbështetje e përkohëshme, e shtrirë në një, dy apo tre muaj, që do të thotë se e kemi marrë në konsideratë që kjo krizë është e pa parashikueshme kur e ka fundin e saj, dhe e kemi parë të arsyeshme tj’u japim njerzve një mbështetje afatmesme, dhe të ndërhyjmë në një sërë drejtimesh, ndërhyrje këto që janë aty për të qendruar, tha Rama në deklaratën e tij.
Por çfarë do të thotë kjo? Në atë që parashtroi kreu i qeverisë, me ketë paketë të rezistencës sociale, pensionet do të indeksohen sërish, duke përftuar kështu një indeksim në 9.5 % të masës së tyre. Po ashtu edhepensionet e personave me aftësi të kufizuara do të përftojnë një indeksim të dytë, me 7.5 %, ndihma ekonomike do të rritet për të gjitha me 10%, nddërkohë që për nënat kryefamiljare me 2 fëmijë, kjo ndihmë ekonomike do të dyfishohet. Paga minimale do të rritet në 34 mijë lekë të reja, e po ashtu do të vazhdojë nafta pa taksa për fermerët, mblshtetja për tvsh-në e peshkimit, mosprekja e çmimit të biletës së autobusave urbanë.
Çfarë do të thotë kjo, tha Rama. Pensionet indeksohen 1 herë në vit, që do të thotë në muajin prill dhe janë indeksuar pikërisht në këtë muaj, duke marrë parasysh edhe efektin e inflacionit, por për herë të parë do të riindeksohen. Pra do të kemi një riindeksim të pensioneve të llogaritur me normën e inflacionit, që shkon në 6 % duke u nisur nga indeksimi i mëparshëm, por shkon në 9.5 % si indeksim tërësor për këtë vit. Kjo edhe për personat me aftësi të kufizuar. Edhe për ta kemi indeksimin e përvitshëm, por bëjmë këtu një ndërhyrje për një indeksim me 7.5%, për të gjithë personat me aftësi të kufizuar.
Do të rrisim me 10 % ndihmën ekonomike, ndërkohë që do ta dyfishojmë atë për gratë kryefamiljare me dy fëmijë. E bëmë në paketën e parë një dyfishim për gratë kryefamiljare me 3 fëmijë, tani ulemi për kryefamilljare me 2 fëmijë.
Do të vazhdojmë programin e rritjes së pagave si është paralajmëruar për sektorët prioritarë me buxhetin dhe me afatin e vitit të ardhëm pasi kemi rritur me efekt nga muaji korrik pagat për ushtarakët mjekët infermierët mësuesit, do t’i rrisim përsëri, ndërkohë që sot, me ndërhyrjen e dytë dhe me një paketë rezistence afatmesme, do të rrisim pagat për administratën, që nuk ishin prekur që prej shumë kohësh dhe jo pa qëllim për hir të së vërtetës.
Do të rrisim po ashtu pagat për policinë e shtetit e për atë të burgjeve, trupa këto që kishin mos rritje pagash prej disa kohësh, pas një rritjeje masive që patën marrë vite më parë.
Ndërhyrja tjetër do të jetë rritja edhe një herë po brenda këtij viti e pagës minimale. Rrisim pagën minimale nga 32 në 34 mijë lekë, pra nuk duhet dhe nuk do të ketë pagë më të ulët se 34 mijë lekë në Republikën e Shqipërisë, dhe me këto ndërhyrje ne besojmë se i kapërcejmë në aspektin financiar.
Ndërkohë qëndrojmë në tre pikat që kishte edhe paketa tjetër, me të njëjtën qasje: mbështetja për naftën pa taksa për fermerët, rrisim finanimin, mbështetja për tvsh-në e peshkimit, mbështesim financimin, mbështetja për mos prekjen e çmimit të biletës së transportit, tha mes të tjerash Rama, i cili e vuri theksin edhe tek energjia dhe kriza e saj, duke theksuar se “ne vazhdojmë të këmbëngulim që t’i mbrojmë familjarët dhe bizneset e vogla ndaj rritjes së çmimit të energjisë. Kjo është edhe arsyeja themelore, pse ne kemi inflacionin më të ulët në rajon dhe kemi arsyeshm edhe një inflation më të ulët se sa në gjithë eurozonën, se nuk kemi rritur çmimin e energjisë, që do të sillte pastaj në zinxhir, rritjen e çmimeve të tjera. Por, ka një por shumë të madh, nisur nga analiza e fashës së konsumatorëve, kemi mbi 90 % të konsumatorëve familjarë të cilët konsumojmë rregullisht më pak se 800 kw, dhe kemi një numër konsumatorësh dhe 6 apo 7 % të totalit, që konsumojnë më shumë se 800 kw, dhe aty bëhet fjalë për konsumatorë familjarë me vila, me pishina, oborre të gjera me qilim dekorativ, e kështu me rradhë, për të cilët mendojmë se ka ardhur koha që nuk mund të paguajë më buxheti i shtetit, prandaj, çdo kw mbi 800, do të paguhet me çmimin e tregut. Dhe me këtë, ne synojmë të krijojmë edhe një presion për të ulur konsumin e energjisë elektrike, në kushte krize.
