Kreu i Sigurimeve Shoqërore Astrit Hado ka deklaruar për ABC neës Albania, se mbështetja për pensionistët nga Paketa e Rezistencës, deklaruar pak ditë më parë nga Rama, do të llogaritet mbi pagën minimale, por pa sigurimet shoqërore, pra do të përfitojnë nga kjo paketë, të gjithë ata që e kanë pensionin më pak se 133 mije lekë të vjetra në muaj, për shkak se, pas zbritjes së sigurimeve shoqërore, paga minimale nga 300 mijë lekë të vjetra, shkon në 260.
Ky vendim, tha Hado mes të tjerave do të hyjë në fuqi më 1 prill, datë kjo, e deklaruar nga kryeministri Rama edhe si data e hyrjes në fuqi të pagës së re minimale prej 320 mijë lekësh të vjetra.
Nuk dihet ende se përse për indeksimin e pensioneve në kuadër të Paketës së Rezistencës, qeveria ka zgjedhur pagën 300 mijë të vjetra, e jo 320, meqë të dyja hyjnë në fuqi në 1 prill 2022.
Ajo që dihet, është se numri i pensionistëve që digjen për një 5 mijë leksh të vjetër e nuk e marrin atë bonus prej 30 mijë lekësh të vjetra, më është i lartë.
Shpjegimi i plotë I kreut të Sigurimeve Shoqërore, Astrit Hado, në ABC neës.al
“Ndihmën për tre muaj do ta marrin e gjithë kategoria që është me pension invaliditeti. Gjithashtu përfitues në këtë do të jenë dhe ato pensionistë që e kanë pensionin sa gjysma e pagës minimale të vendit. Paga minimale eshte 300 mijë lekë të vjetra dhe duke zbritur sigurimet shoqërore shkon rreth 260 mijë lekë, duke u ardhur kështu në ndihmë pensionistëve që marrin deri në 133 mijë lekë të vjetra pension. Përfitues për 30 mijë lekë në tre muaj do të jenë edhe pensionistët e vetmuar, ku i bie të përfitojnë 2300 pensionistë. Nga data 1 prill do të jenë pensionet e indeksuara, atë ditë që do të marrin pensionin do të marrin edhe bonusin. Indeksimi është një procedurë normale që ndjek trendin e çmimeve. Janë 5.2 miliardë të reja për tre muaj këto janë lekë të buxhetit të shtetit dhe jo të Sigurimeve Shoqerore, dhe këto përfitimi që merren nga ato janë thjesht lekë që ndihmojnë për indeksimin”, tha Hado mes të tjerave.
