Institucioni i radhës që ngre duart përpjetë pas sulmit kibernetik të e-albanias është Kadastra Shqiptare. Po ashtu si Ministria e Jashtme dhe ajo e Punëve të brendshme, edhe Kadastra Shqiptare e ka deklaruar veten “Off line”.
“Të nderuar Qytetarë!”, shkruhet në faqen e saj,
“Sikurse jeni në dijeni, Platforma Qeveritare po përballet me sulme kibernetike nga jashtë vendit. Të ndodhur në këtë situatë Agjensia Shtetërore e Kadastrës me keqardhje Ju bën me dije, se nuk mundësohet aplikimi për shërbimet kadastrale nëpërmjet e-Albania, deri në një njoftim të dytë. Ju falenderojmë për mirëkuptimin!”, përfundon njoftimin e saj Kadastra.
