Konspiracionisti i njohur Alfred Çako ka publikuar në rrjetin fejsbuk te disatën thirrje për protesta kundër vaksinimit masiv, për shkak se, sipas Çakos, këtë po e bëjnë për të na depopulluar e mikroçipuar.
Synimi i tyre, thote Çako në videon e sapopublikuar, është të vaksinojnë 50% të popullësisë, për të vendosur regjimet që duan.
Për 1 a 2 vjet do të hyjë në fuqi sistemi kuantik, thotë Çako në videon e publikuar, e nuk do të punoni dot më as në administratë, as nëpër dyqane, po ashtu nuk do të ketë më as llogarira bankare, sepse do të shumëzohen me zero.
Nëse nuk dilni nesër në protestë në orën 12, jeni më keq se qeni, thotë mes të tjerave i nxehur konspiracionisti më i njohur në Shqipëri.
