Një tjetër skandal duket se po del sërish në dritë sa u takon informacioneve të rezervuara të shqiptarëve. Kësaj here në fokus jane kontaktet e numrave celularë bashkë me të dhënat përkatëse, të cilat, nga sa raporton “Exslusive” në TCH, mund të blihen onlajn.
Sipas “Exslusive”, poseduesi 3 milion numrave telefonik të shqiptarëve dhe shitësi i tyre përmes një platforme në internet është një person i cili përdor emrin Munnaf Hossain, i cili për 1.500 dollarë të shet të dhënat e 1 milion numrave, për 1.000 dollarë të 500.000 numrave, 350 dollarë për 100.000 numrave e kështu me radhë.
Nuk dihet ende se si i kanë rënë në dorë të Hossain-it këto kontakte. Ajo që dihet është që të dhënat private të shqiptarëve, janë të pasigurta, pavarësisht se siguria është elementi primar i bashkëpunimit me kompanitë celulare në vend.
