Një ngjarje e trishtë ka ndodhur sot pranë Gjykatës së Tiranës, ku shtetasi Mexhit Picari ka shtirë me armë zjarri mbi ish-dhëndrin Kudret Saliaj, i cili ndodhej në proces divorci me të bijën, duke lënë atë të vdekur në vend, e duke plagosur edhe avokatin e tij, tashmë jashtë rrezikut për jetën.
Por historia e çiftit Saliaj nuk ka qenë e panjohur as për median dhe gjykatën shqiptare.
Çifti, prindër të tre fëmijëve, kanë akuzuar fillimisht reciprokisht njëri-tjetrin për tradhëti bashkëshortore dhe dhunë, duke i dhënë udhë kështu një zinxhiri të pafundmë konfliktesh, që u mbyll sot me ngjarjen makabre.
Në një intervistë të gjatë për gazetarin Spartak Koka në Klan Plus, më 2020-n, Mexhiti shpjegonte komunikimet me dhëndrin për punën e çupës, ndërkohë që Dhurata (e bija dhe ish bashkëshortja e të ndjerit), dëshmon dhunën e vuajtur në familje nga shoqi.
Shof gocën, qe e rraskapitme fare, deklaron Mexhiti në intervistën për Spartak Kokën. – Hë bab i thash, ça ka? Kam qenë në spital, tha. Po a i the burrit me. Po i thashë, edhe m’darkë edhe m’mëngjes. Dhe e marr këtë unë, hë mor, t’ka marr leje goca? M’darkë po tha. Po ti m’the në telefon jo, i thashë unë. Nuk m’ka marrë leje, m’ka hik pa leje. Po n’mëngjes a t’ka thënë. Iu mor një herë goja, po tha, m’ka thënë, por i kam thon hik n’punë.
Nuk vin më në shtëpi tha, se goca ka hik vetëm në spital. Po i thashë, po ina m’2020-n, si, ti e ço n’punë vetëm. Po t’she aq xheloz, gocën mos ta çojshme m’punë. Jo unë nuk e du më. Unë do t’ju vras më tha.
Ndërkaq, Dhurata Saliasi, në po të njëjtën intervistë, deklaronte se kur e ka shpënë tek i ati, viktima nuk e ka qëlluar, por e ka kërcënuar, duke i thënë të rë kohës “do të vras, do të të bëj copa-copa”.
Aty u tremba për vdekje, deklaron Dhurata, sepse mendova se do më vriste, se nga xhelozia do mendonte që gruaja ka një të dashur, dhe ngaqë kishte dhe djalin, e do kishte dhe djalin dëshmitar e do thoshte mamaja tendoi të vriste babin, ose varet, sic ma kanë bërë edhe ata tani kallëzimin, që unë jam një grua e dhunshme, aty i them, kthehu mbprapsh, të shkojmë t’i sqarojmë gjërat tek babi.
