Një ditë pas përplasjes mes demokratëve në selinë blu, ku u shënuan edhe një sërë incidentesh e po ashtu edhe praninë e policisë, dy rivalët dikur babë-e-bir politikë, Sali Berisha dhe Lulëzim Basha, kanë bërë të tjera deklarata për shtyp.
Në deklaratën dhënë ditën e sotme, ish kreu historik i PD-së Berisha vazhdon të theksojë se protesta e djeshme qe paqësore, dhe se qe Basha ai që provokoi i pari, duke këmbëngulur gjithashtu edhe se pamjet e shfaqura nga Basha mbi shkatërrimet brenda selisë, janë të manipuluara prej vetë Bashës, për shkak se demokratët që mbështesnin atë, nuk arritën të hynin dot brenda për shkak të gazit lotsjellës. I pyetur për xhamat e thyer, Berisha u shpreh se ajo nuk qe dhunë, e se ata e kishin deklaruar që do hynin seli, të cilën e cilësojnë shtëpinë e tyre.
Ndërkaq, pas deklaratave të Berishës, nuk mungoi as konferenca për shtyp e Bashës, i cili e ka quajtur ditën e sotme një ditë bilanci pas ngjarjes tragjike të djeshme, duke theksuar se beteja dhe fokusi duheshin përqendruar tashme tek largimi i kastës së vjetër të politikës, e cila sipas kreut Basha, vazhdojnë të mbajnë njëri-tjetrin në këmbë e demokracinë peng.
