Janë arrestuar me motivacionin e zjarrëvënies një sërë personash në rrethe të ndryshme të Shqipërisë, të cilët ose janë kapur në vendngjarje duke vënë zjarrin, ose mjetet e gjetura në vendet ku zjarri ka rënë, u përkasin atyre.
Sipas derejtorive vendore të Fierit, Kukësit, Belshit dhe Librazhdit, deri më tani janë vënë në pranga:
- shtetasi E. A., 23 vjeç, banues në Anabreg, Mallakastër, pasi dyshohet se është autor i zjarrit në fshatin Çorrush, ku si pasojë është djegur sipërfaqe toke e konsiderueshme me bimësi të ndryshme,
- shtetasi M. B., 39 vjeç, banues në Fier, të cilit, t eksa digjte disa mbeturina në pronën e tij, i ka dalë zjarri jashtë kontrollit dhe, për pasojë, janë djegur ullinj, dru frutorë dhe hardhi,
- shtetasi E. O., 47 vjeç, banues në fshatin Nang, si autor i dyshuar i zjarrit në vendin e quajtur Sasat, në malin e Gjallicës,
- shtetasi A.B., 49 vjeç, banues në Durrës, i cili i ka vënë zjarrin një sipërfaqe toke në lagjen nr.15, Durrës, ku është djegur rreth 4.000 m² me bimësi të egër kallamishte,
- shtetasi N.H., 26 vjeç, banues në fshatin Dragot, Belsh. Dyshohet se teksa digjte disa mbeturina në pronën e tij në fshatin Dëshiran, zjarri i ka dalë jashtë kontrollit e janë djegur 450 rrënjë ullinj në pronësi të dy shtetasve,
- shtetasi R.D., 52 vjeç, banues në Xhyrë, pasi dyshohet se është autori i zjarrvënies në vëndin e quajtur “Krepat e Xhakës”, ku është djegur një sipërfaqe toke me bimësi të ndryshme,
- shtetasit A.M., 49 vjeç dhe Z.M., 41 vjeç, banues në Afrim i Ri, Fier. Këta shtetas, në bashkëpunim, dyshohet se i kanë vënë zjarrin pyllit të fshatit Gjorgoz, ku është djegur një sipërfaqe prej 4 hektarë me shkurre e pisha. Gjithashtu, nga hetimet rezulton se këta shtetas janë autorë të dyshuar edhe të zjarrvënies në pyllin e fshatit Kreshpan në datë 28.07.2021
Policia e Shtetit u bën thirrje njerëve që shohin akte të tilla, të telefonojnë pranë komisariatit dixhital, të denoncojnë në numrin falas 112 apo në Komisariatin Dixhital për çdo rast të zjarrvënies.
