Incidenti i mbrëmshëm në Kavajë, në një prej zyrave elektorale të PD-së, ku një prej të rinjtëve u plagos me armë zjarri prej dy të tjerëve, ka bashkuar në qytetin e vogël të Shqipërisë së Mesme dy krerë, atë të PD-së Lulëzim Bashën, dhe atë të shtetit shqiptar, Ilir Metën.
Në vizitën e tij në zyrën elektorare ku ndodhi incidenti, Basha tha se ky akt qe një atentat kundër PD-së, kundër opozitës së bashkuar, e se kishte si qëllim t’ju mbyllte gojën.
Sonte Kavaja është përballur me një ngjarje të rëndë, një atentat kundër PD-së, kundër Aleancës për Ndryshim nga një kryeministër që e di që të dielën humb, e Kavaja fiton dhe Shqipëria fiton, i cili ka humbur çdo lloj kufiri njerëzor, e që sot hesht, në një kohë që njerëzit e tij, me anë të atentatit, tregojnë se këtij regjimi i ka ardhur fundi. Kërkojnë të frikësojnë Kavajën, PD-në, Koalicionin për Ndryshim dhe shqiptarët, kërkojnë të na mbyllin gojën. Nuk na i kanë mbyllur gojën kurrë, nuk i kemi frikë. Kavaja e di shumë mirë, që të tilla akte kanë shënuar kthesat e mëdha, rrëzimin e diktatorëve dhe diktaturave u shpreh Basha, duke i referuar një prej ngjarjeve më emblematike ndodhur në Kavajë, që i parapriu dhe rrëzimit të diktaturës komuniste
Ndërkaq kreu i shtetit Ilir Meta, i cili shkoi menjëherë në spital pranë të riut të plagosur, tha se kërkonte nga policia të vepronte menjëherë për të zbuluar grupin e strukturuar, i cili në ditët në vijim, do dilte ashiqare që qe i Partisë Socialiste.
Nuk mund të mos e vizotoja të plagosurin në mënyrën më provokuese dhe pabesisht, Bledarin, në zyrën e PD-së në Kavajë, nga militant të rilindjes, drejtorë në Bashkinë e Kavajës. Për fat të mirë ai është jashtë rrezikut për jetën. Kërkoj nga policia të veprojë menjëherë, për të vënë përpara përgjegjësisë tërë grupin e strukturuar, që, siç do të vërtetohet edhe në ditët në vijim, është oganizuar nga shtabi elektoral i rilindjes në Kavajë. Kjo që ka ndodhur, tha Meta, duhet të jetë hera e fundit që derdhet gjak shqipari i pafajshëm, për llogari elektorale të rilindjes, me qëllim që të trembë qytetarët dhe opozitën.
