Janë ngritur më në fund në qiell dy satelitët Albania 1 dhe Albania 2, të cilët do të monitorojnë tërë kohën Shqipërinë dhe shqiptarët, duke ofruar të dhëna të nevojshme për menaxhimin e fatkeqësive natyrore e po ashtu edhe për parandalimin e krimit të organizuar.
“Ja dhe kjo, u tha, u bë”, njofton kreu i qeverisë shqiptare Edi Rama. “Sapo është lëshuar nga Cape Canaveral, Florida raketa Falcon 9, misioni i përbashkët i SpaceX Transporter 6 që transporton për në hapësirë edhe satelitët tanë, Albania 1 dhe Albania 2. Nga sot Shqipëria ka më shumë aftësi të teknologjisë së lartë për të kontrolluar, mbrojtur e administruar territorin, duke siguruar në kohë reale të dhëna të rëndësishme në një sërë aspektesh kyçe për zhvillimin e qëndrueshëm”.
