Ka paralajmëruar nisjen e punës për prishjen e ndërtimeve pa leje në bregdet, kreu i ministrisë së punëve të Brendshme Blendi Çuçi, i cili në një takim në Shëngjin me kreun e qeverisë Rama, atë të Kadastrës Lame, dhe atë të Policisë së Shtetit Ardi Veliu, ka sqaruar se nga cilat zona do të nisë së pari spastrimi i bregdetit nga ndërtimet pa leje, e se si do të vazhdojë më pas.
Në shpjegimin e tij, Çuçi theksoi se e njëjta gjë kryhej edhe me ndërtimet pa leje në aksset kryesore të rrugëve kombëtare, në mënyrë të punohet për spastrimin e territorit në mënyrë paralele.
Jemi në fazën ku kemi mbaruar evidentimin dhe jemi marrë siç thamë me pjesën e bregdetit, u shpreh Çuçi, dhe kemi konstatuar gjithë ndërhyrjet që janë të reja në ndërtim karabinaje, me beton dhe jemi në fazën e njoftimit të subjekteve, që kanë ndërhyrë sipas ligjit, dhe mjaft shpejt nis aksioni. Ja këtu kemi për shembull rastin e Velipojës, të gjitha këto njollat dhe shënimet, janë të gjitha ndërtime të filluar rishtazi me beton, janë të natyrës të gjitha me beton arme, të kuqet janë kryesisht beach bar-e që janë pa leje. Po mbyllim dosjet për secilin nga subjektet dhe në fund të javës do të nisë ndërhyrja sipas ditëve që na lejon dhe ligji për lajmërime.
Golem, Spille, të gjitha pa leje, ka beach bar-e kryesisht, ka përfunduar Ksamili dhe Velipoja, po koordinojmë edhe me zyrën e legalizimeve për t’u prerë rrugën e legalizimeve të gjitha rasteve që kemi evidentuar dhe besoj se, brenda këtij muaji, do merremi me rivendosjene situatës ku kanë qenë, të të gjitha zonave të zaptuara me ndërtime pa leje, në të gjithë bregun e Shqipërisë sipas bashkive.
Kjo do jetë faza e parë, në mënyrë që gjatë qershorti dhe korrikut most ë krijojmë probleme në sezonin turistik dhe pastaj në shtator do vazhdojmë edhe me ato ndërtime pa leje që janë të palegaliueshme për shkak të natyrës së kanë.
Kemi nisur evidentimin e ndërtimeve pa leje në akset kryesore të rrugëve kombëtare. Është bërë një evidentim i plotë nga policia e shtetit për këto objekte, kemi listën, në mënyrë që të fillojmë edhe pastrimin e rrugës nacionale, nga të gjitha ndërhyrjet e paligjshme, përfundoi ai.
