Ministria e Punëve të jashtme ka bërë me dije ndërprerjen e shërbimeve konsullore për hir të sulmit kibernetik që ka pësuar e-albania.
Ministria për Evropën dhe Punët e Jashtme njofton se për shkak të sulmit kibernetik ndaj platformës e-Albania, shërbimet konsullore online janë ndërprerë përkohësisht deri në një njoftim të dytë, shkruhet në njoftumin e kësaj Ministrie.
Sulmi kibernetik ka dëmtuar sistemin online, i cili mundëson aksesin e qytetarëve dhe strukturave përgjegjëse për aplikimin dhe dhënien e dokumentave biometrikë për të gjitha konsullatat shqiptare në botë.
MEPJ është në kontakt të vazhdueshëm me Agjencinë Kombëtare të Shoqërisë së Informacionit, e cila po punon për zgjidhjen sa më të shpejtë të situatës së pazakontë dhe i bën thirrje qytetarëve të mirëkuptojnë gjendjen e përkohshme të mos aksesimit të shërbimeve publike.
Kujtojmë që ditën e djeshme, portali e-albania nuk punon për hir të sumeve nga hakerat ndërkombëtarë, siç deklaroi kryeministri Rama, e edhe sot, vendi gjendet në kolaps dixhital.
