Teksa Donald Trump i sapozgjedhur për herë të dytë, nënshkroi mes të tjerave edhe një vendim për ngrirjen e fondeve amerikane në tërë botën, për të parë funksionin dhe një rishikim të tyre, duket se shteti shqiptar, edhe pse vetë cilësohet i pavarur, rezulton të mos jetë i tillë.
Në një notë diplomatike që Ambasada e SHBA u dërgoi ditën e djeshme të gjjithë institucioneve të larta shqiptare, ku njoftohet ndërprerja e menjëherëshme e fondeve deri në një rishikim të dytë pas nëntëdhjetë ditësh, rezultojnë se tashmë kanë mbetur pa fonde, shumica e institucioneve më të larta të shtetit shqiptar që garantojnë pavarësinë e vendit.
Nga sa thuhet, ngrirja e fondeve federale prej Trump përfshin edhe institucionet aq të përfolura të drejtësisë së vend, si SPAK dhe Gjykatën e Posaçme, e po ashtu edhe për Agjencinë Shtetërore për Programimin Strategjik dhe Koordinimin e Ndihmës (SASPAC), Autoritetin Kombëtar për Sigurinë Kibernetike, Agjencinë Kombëtare të Shoqërisë së Informacionit dhe Zyrën e Kryenegociatorit.
Sa më poshtë, lista e plotë e dërguar prej Ambasadës Amerikane, të cilave pas urdhrit të Trump, u firmosen menjëherë të gjitha fondet.
- Fondet ndërpriten deri në një vendim të dytë për këto institucione
- Ministria e Financave, përfshirë Agjencinë e Inteligjencës Financiare
- Ministria e Brendshme, duke përfshirë Policinë e Shtetit Shqiptar, Agjencinë e Mbikëqyrjes së Policisë dhe Qendrën e Koordinimit Kundër Ekstremizmit të Dhunshëm.
- Ministria e Bujqësisë dhe Zhvillimit Rural
- Ministria e Drejtësisë, përfshirë Drejtorinë e Përgjithshme të Burgjeve
- Ministria e MbrojtjesMinistria për Evropën dhe Punët e Jashtme
- Ministria e Arsimit dhe Sportit
- Ministria e Turizmit dhe Mjedisit
- Ministria e Shëndetësisë dhe Mirëqenies Sociale
- Ministria e Shtetit për Rininë dhe Fëmijët
- Ministria e Shtetit për Pushtetin Vendor
- Ministria e Ekonomisë, Kulturës dhe Inovacionit
- Ministria e Infrastrukturës dhe Energjisë, duke përfshirë Korporatën Elektroenergjetike Shqiptare (KESH), Operatorin e Sistemit të Transmetimit (OST), Operatorin e Shpërndarjes së Energjisë Elektrike (OSHEE) dhe Bursën Shqiptare të Energjisë (ALPEX)
