Është ndarë sot nga jeta për shkak të covid-19 aktori i njohur i kinemasë shqiptare, Gulielm Radoja.
Radoja u lind në korrik të 45-s në Shkodër dhe la pas vetes një karrierë brilante si aktor, e cila numëron disa dhjetrëra role, si në teatër ashtu dhe kinematografinë shqiptare, mes së cilave Stefan Bardhin, tek Mësonjëtorja e parë, priftin tek Gjenerali i Ushtrisë së Vdekur, tenente Gurabardhin tek Në fillim të verës, Petro Nini Luarasi-n tek Kush vdes në Këmbë, sipërmarrësin italian tek Gjeneral Gramafoni e mjaft e mjaft role të tjera.
Humbja e Radojës, u shtohet një sërë humbjeve të rëndësishme nga kinematografia shqiptare, si Xhevdet Ferri, Bujar Lako, Shpresa Bërdëllima, Gjergj Xhuvani e shumë të tjerë.
foto © AQSHF