Përfaqësuesja e Partisë së Lirisë Miranda Rira ka denoncuar në prag nisjes së këtij viti shkollor arsimin falas që artikulohet prej qeverisë Rama, e që ka të bëjë me marrjen e teksteve shkollore falas për nxënësit e arsimit parashkollor.
Në prononcimin e saj për mediat, Rira u shpreh se kishte shkuar të merrte tekstet falas për të bijën në klasë të tretë, dhe ato që kishte marrë në fakt kishin qenë tekste shkollore ose të grisura prej përdorimit, ose të plotësuara, me shënimet e nxënësëve të mëparshëm apo mësuesëve.
Në fjalën e saj Rira tha se ashtu si dhe shumë prindër të tjerë edhe ajo do t’ia blinte librat e rinj të bijës, duke qenë se me ata falas të marra nga shkolla, ishte prakitikisht e pamundur të studiohej.
Gjatë prononcimit të saj, mes të tjerave, Rira i drejtoi Kushit edhe një pyetje të drejtëpërdrejtë, se a do t’ua jepte ajo fëmijëve të saj ato tekste për të studiuar, duke e ftuar më pas edhe në një debat të mundshëm publik, sa i takon këtij argumenti.
Kujtojmë që pak ditë më parë ministrja Kushi njoftoi se edhe këtë vit shkollor, angazhimi i qeverisë, ishte që për nxënësit e klasave I-9, tekstet shkollore të jepeshin falas.
Sa më poshtë prononcimi i plotë i Miranda Rirës, mbi librat e grisur e me zhgarravina, marrë në kuadër të angazhimit të qeverisë për arsim falas.
