Gjatë konferencës së mbrëmshme për shtyp nga Presidenca, kreu i shtetit Ilir Meta u bëri thirrje politikanëve të distancoheshin nga fenomenet negative këtë javë që paraprin ditën e zgjedhjeve. Meta gjithashu u bëri thirrje qytetarëve të mos e shisnin votën, policisë të distancohej nga përdorimet politike e të mos lejonte vjedhjen e votës, e po ashtu edhe administrates, që të mos përdorej nga drejtuesit e saj politikë, se në të kundërt do të përballej me ligjin menjëherë pas mbarimit të procesit zgjedhor.
Kjo javë e fundit, tha Meta, duhet të shoqerohet nga një klime zgjedhore më e qetë, më bashkëpunuese, por edhe më ballafaquese sa i takon transparencës përballë qytetarëve. Ftoj të gjithë politikanët dhe qytetarët të distancohen nga çdo fenomen negativ që nxit urrejtjen e që provokon dhunën, dhe mbi të gjitha që dëmton rëndë integritetitn e këtij procesi zgjedhor historik.
Të gjithë qytetarët me të drejtë vote duhet t’u drejtohen qendrave të votimit për të ushtruar të drejtën e tyre, të qetë të lirë dhe të fshehtë, si dhe të denoncojnë çdo përpjeke që do cënonte shtrembërimin e tyre.
Një thirrje për ata që prej vitesh kanë zgdhur të jenë indiferentë. Nuk mundet ta humbsni këtë mundësi. Edhe nëse e keni të vëshirë për të zgjedhur, mos harroni se vota është edhe një mjet ndëshkimi, në mënyrë që askush në të ardhmen të mos ju zhgënjejë.
Një thirrje të vecantë për forcat e Policisë së Shtetit, distanconuni nga cdo përpjeke e politikës, qendroni të pavarur dhe mos u përdorni si në zgjedhjet e shëmtuara të Dibrës dhe Shijakut, që tronditën botën e që po mbajnë ende peng celjen e negociatave të Shqipërisë me BE.
Funksionarët të tërhiqen nga intimidimi që mund ti bëjnë administratës publike dhe familjare të tyre. Refuzoni urdhrat politikë të shëfave tuaj, se ligji dhe mbarë populli do jenë të pamëshirshëm me ju. Fokusohuni tek ruajtja e rendit, tek ndalimi i fenomenit të shit-blerjes se votës apo cdo tendative për të penguar vullnetin e zgjedhësit.
Në deklaratën e tij, Meta i cilësoi këto votime si si votimet më të rëndësishme për 100 vitet e ardhshme, të cilat do të përcaktonin udhën e Shqipërisë drejt integrimit dhe konsolidimit në BE.
