Ministra e Financave Delina Ibrahimaj ua ka hedhur sot topin e mega-skandalit të evazionit fiskal të kompanive të inceneratorëve, Gjykatës dhe hetimeve të stërgjatura mbi cështjen.
Në një konferencë për shtyp dhënë pikërisht për këtë mega-evazion fiskal që përfshin përvec vjedhjes së parave publike, edhe vjedhjen e të dhënave të shumë individëve e përdorur për mashtrim, Ibrahimaj sqaroi se Ministria ishte në dijeni për një evazion të këtill fiskal që në 2018-n, ku përfshihen edhe kompanitë e inceneratorëve, se administrata tatimore i kishte dorëzuar dokumentat në prokurori, por nuk kishin ende një vendim gjykate që t’u urdhëronte institucioneve shtetërore mospagimin e kësteve ndërmarrjeve të inceneratorëve sipas kontratave fillestare, ndaj shteti vazhdonte të paguante.
Në 2018, administrata tatimore ka denoncuar pranë prokurorisë një skemë mashtrimi të TVSH-së, e cila lidhej me shenjën e të ardhurave, me evazionin fiskal, me pastrimin e parave, tha Ibrahimaj në fjalën e saj. Janë referuar 20 subjekte, dhe me to 24 individë përgjegjës për krijimin e këtyre skemave të mashtrimit. Hetimi tatimor ka analizuar me kujdes krijimin e këtyre subjekteve. Konkretisht çfarë ndodhte? Janë krijuar subjekte fiktive, me qëllim shmangien e tvsh-së. Këto subjekte blinin dhe shisnin me kompani të krijuara, dhe kompanitë që blinin tek to, përfitonin duke shkarkuar inventarin e tyre pranë subjekteve, bashkë me inventarët e TVSH, ndërkohë që subjekteve fiktive, u shisnin produkte me qëllim kreditimin e TVSHsë, fryrjen e shpenzimeve, dhe mospagesën e TVSH-së.
Këto subjekte, janw subjekt I hetimit, dhe nuk ka ende një vendim gjykate, dhe përsa nuk ka një vendim gjykate, institucionet zyrtare nuk mund të marrin masa. Ne kemi vijuar të respektojmë kontratën në bazë të termave kontraktuale, në bazë të pagesave që janë të parashikuara në këto kontrata, dhe do të vijojmë ta bëjmë përderisa jemi në zbatim të kontratës dhe nuk kemi asnjë njoftim nga asnjë institucion ligjzbatues apo i drejtësisë, për të marrë ndonjë vendim apo për të marrë masa, në lidhje me këto kontrata, tha Ibrahimaj, e cila theksoi po ashtu se këto nuk janë fenomene shqiptare, por mbarëbotërore e se në Shqipëri kanë nisur të lulëyzojnë që në 2017n
