Ish-kryebashkiaku i Mallakastrës, Agron Kapllanaj ka pretenduar se është shtantazhuar nga një femër, e cila sipas tij i ka kërkuar një shumë prej 4000 eurosh.
Për News24, ish-kryebashkiaku demokrat ka deklaruar se ajo i ka nisur foto të modifikuara dhe ia ka shpërndarë tek miqtë e tij.
Ai ka pretenduar se ndihet i indinjuar nga veprime të tilla, të cilat i ka konsideruar të ulta nga njerëz të papërgjegjshëm që tentojnë t’i prishin imazhin.
“I kam thëne që nuk është kjo rruga për të kërkuar para dhe nëse do më kishte kërkuar ndihmë të sinqertë për të ndihmuar motrën e sëmure siç pretendonte, nuk do ia kisha kursyer mbështetjen financiare”, tha ai.
Agron Kapllanaj u shpreh se imazhet nuk e cënojnë, por shtoi se do t’u drejtohet organeve ligjzbatuese për kallëzim.
Ai shprehet se “ju garantoj se ato imazhe janë të sajuara dhe nuk ka asgjë të vërtetë”, duke shtuar se ka mesazhe kërcënuese në telefon.
“Kam bisedën me kërcënime e shantazhime”, shkruan Agron Kapllanaj në fejsbukun e tij, teksa shprehet se imazhet janë shpërndarë për shkak se refuzoi të paguajë.
“E mbyll me një ndjesë për secilin që i kanë ardhur ato imazhe me foton time”, thekson ai, ndërsa deklaron se sapo të kthehet në Shqipëri, do të bëjë kallëzim.
Postimi i plotë i Agron Kapllanajt
Pershendetje miq të mi! Gjate nates dikush me ka nisur nje foto apo video te modifikuar ku shfaqet imazhi im! Personi qe me nisi keto foto me ka shantazhuar se nese nuk i paguaja nje shume te caktuar paresh do i shperndante keto foto te miqt e mi, dhe mesa duket e ka bere nje gje te tille sepse une refuzova te paguaj! Une kam te ruajtur te gjithe biseden me kercenime dhe shantazhimet e tij dhe sapo te kthehem ne Shqiperi ( sepse ndodhem jashte vendit per momentin) do t’i referoj te gjitha prane organeve ligjzbatuese per te bere dhe kallzim.
