Pas mbarimit të maratonës së gjatë të dëshmisë përpara Komisionit të Hetimit të Inceneratorëve, kreu i qeverisë Rama, në një konferencë për mediat me gazetarët, deklaroi mes të tjerave edhe se, pasi SPAK-u, të mbarojë hetimet, ai do t’i drejtohet Gjykatës, për akuzën e grupit të strukturuar në Gjykatë dhe se personi konkret që do të paditej, do të qe pikërisht kryetarja aktuale e Komisionit të Hetimit të Inceneratorëve, deputetja demokrate Jorida Tabaku
Cështjen e grupit të strukturuar kriminal do ta trajtojmë në gjykatën përkatëse, tha Rama. Nuk flas për emra, por me siguri që, për fat të keq, e them për fat të keq se nuk është dëshira ime, tni e kemi bërë gjykatën si një vend ku takohemi me zonjën Tabaku, do takohemi përsëri, por pasi të mbarojë kjo. Zonja Tabaku është përsëritëse për shpifje. Më vjen keq, por më duhet ta bëj prapë, se nuk ndodh, në asnjë vend, sado e tensionuar të jetë lufta politike, që një politikan, një parti politike, një politikane, të angazhohet me publikun, për të ngritur akuzën e një grupi të strukturuar kriminal. Është dicka që nuk ndodh, është përtej. Sigurisht, jo përpara se të bëhet i gjithë hetimi, jo i komisionit, se ky nuk është hetim, është një farsë, por ai i SPAK-ut, sigurisht që do shkojmë në gjykatë. Si qenka kjo? Muaj të tërë rrokanis kokën, u vodhën 430 milione, i vodhën… ku janë? S’janë, tha mes të tjerave Rama përapra gazetarëve, në mbarim të dëshmisë së tij para Komisionit të Hetimit të Inceneratorëve.
