Autoriteti belg për sigurinë ushqimore ka deklaruar përmes një deklarate të vetën, se fabrika e prodhimit të cokollatave kinder në Arlon të Belgjikës, është urdhëruar “ të mbyllet, për shkak të rezultateve të orëve të fundit, sipas së cilave informacionet e dhëna prej Ferreros janë të paplota”.
Në vijim të deklaratës, Autoriteti belg për sigurinë ushqimore, ka njoftuar po ashtu se ka urdhëruar tërheqjen e menjëhershme të të gjithë prodhimit të fabrikës të cokollatës kinder për hir të dyshimit të infektimit të tyre me salmonelë. Në deklaratë thuhet po ashtu se rihapja e fabrikës, do të jetë sërish e mundur vetëm pasi të verifikohet se fabrika i respekton të gjitha normat dhe kërkesat e sigurisë ushqimore.
Vetë Ferrero kërkon ndjesë për këtë situatë dhe njofton se ka tërhequr menjëherë nga tregu tërë produktet e kësaj fabrike si Kinder Surprise, Kinder Mini Eggs, Kinder Surprise Maxi 100g dhe Kinder Schoko-Bons.
Deri më tani Agjencia britanike për sigurinë ushqimore ka deklaruar 63 raste salmonele në Angli, ndërkohë që 21 të tjerë janë shënuar në Francë.
