Pas mbylljes së procesit të votimit, kreu demokrat Sali Berisha ka falënderuar votuesit në mbarë Shqipërinë për angazhimin me përgjegjësi të tyre në këtë proces. Berisha tha mes të tjerave se ata ishin përballur ditën e sotme me konklomeratin e administratës mafioze e atë të oligarkëve të shpifur, e po ashtu, sa i takonte pjesëmarrjes në votim, tha se ajo nuk kishte qenë ajo që duan ta paraqesin, por një ndër më të denjat në historinë e votimeve në Shqipëri.
“Nga kjo platformë”, tha Berisha, “dua t’ju përcjellë përshëndejet më të përzemërta për të gjithë ata qyetarë që me votën e tyre e shënuan këtë ditë, në një ditë të historisë sonë. Ata votuan në qendrat e votimit, në kushtet më të jashtëzakonshme. U ngritën mbi cdo gjë, dhe folën e me votë e tyre, në mënyrën më të civilizuar, me guxim e vendosmëri. Ata kapërcyen mbi konglomeratin, e administratës mafioze, oligarkëve të shpifur dhe bandave të tyre kriminale. Guximi, vendosmëria, përgjegjësia e qytetarëve, sot ishte epike. Pjesëmarrja ka qenë jo ajo që duan ta zvogëlojnë të dëshpëruarit, ata që bënë gjithçka kundër këtij procesi, po një pjesëmarrje ndër më të denjat për qytetarët nga të katër anët e vendit. Unë kam vlerësimin më të lartë, mirënjohjen më të pakufijshme të të gjithë atyre të rejave, të rinjëve, burrave dhe grave, që qëndruan në krye të përgjegjësisë në komisionet e votimit. U përballën me presionet dhe kërcënimet nga më të papranueshmet, por kryen me nder para shqiptarëve, një detyrë që është mbi të gjitha detyrat. Ju bëj thirrje, me atë përgjegjësi që dëshmuan gjatë ditës, me atë guxim, me të cilin përballuan presionet e egra, të mafias shtetërore, oligarkëve dhe bandave të saj, po me atë përgjegjësi dhe vendosmëri të numërojë çdo votë. Garantoj qyteatrët se vota e tyre do të peshojë më shumë se asnjëherë, se kjo betejë është një betejë e një rëndësie historike dhe do ta fitojnë vetëm të cilët mbrojnë kauzën e drejtë e zgjedhjeve të lira e të ndershme”.
