Kanë mbërritur ditën e djeshme 22.300 doza “Pfizer”, pjesë e sasisë së dozave që do të sillen deri në 20 prill prej kësaj kompanie. Ndërkaq, në kuadër të vaksinimit masiv, Rama ka përmendur edhe ardhjen e 50 mijë dozave “Sputnik”, të cilat pritet të mbërrijnë brenda 10 ditëve.
Sapo kemi arritur marrëveshjen për të sjelllë në Shqipëri 50.000 doza të tjera të vaksinës Sputnik brenda 10 ditëve. Ne do ta fitojmë këtë luftë me forcën e karakterit e të kembënguljes sonë dhe do ta lemë shpejt pas tunelin e pandemisë, ku drita e daljes sa vjen e zmadhohet, shkruan Rama në postimin e tij, duke këmbëngulur përherë e më tepër në idenë e një vere pa kufizime, ndërkohë që një pjesë e vendeve europiane po mbyllen sërish, për hir të frikës së një vale të tretë të pandemisë.
