Ka mallëngjyer me zërin e saj një botë të tërë Amelia e vogël 7 vjeçare, e cila nga të kënduarit e saj në vendstrehimin ukrainas, shfaqet duke kënduar në skenën e madhe të Lodzit në Poloni, ku u dha një shfaqje bamirësie në mbështetje të Ukrainasve dhe vështirësive që po kalojnë ata këto momente.
Me fustan të bardhe dhe dy gërsheta të vogla, Amelia u ngjit e para në skenë dhe këndoi pa orkestër himnin e Ukrainës.
Në një intervstë për median polale TVP, Amelia qe shprehur se kishte qenë shumë e lodhur kur këndonte në vendstrehim, por ishte përpjekur të imagjinonte një skënë të madhe me spektatorë.
Videoja e saj teksa këndonte “Frozen” në vendstrehim mbërriti në 16 milionë shikime brenda pak ditëve, ndërkohë që ëndrra e saj për të kënduar u bë realitet në skenën e Lodzit.
