Julian Assange nuk do ekstradohet nga Anglia për në Shtetet e Bashkuara. Kështu ka vendosur gjykata e Londrës, e cila, e shqetësuar për shëndetin mendor dhe mundësinë e ndonjë vetëvrasjeje nga kreu i Wikileaks-it, ka pezulluar kërkesën.
49 vjeçari Assange kërkohet për publikimin e mijëra dokumenteve të klasisifikuara sekrete në vitet 2010-2011.
Shtetet e Bashkuara pretendojnë se dalja e tyre theu ligjin dhe rrezikoi jetën e njerëzve, kurse vetë Assange nuk dëshiron të ekstradohet dhe thotë se kjo gjë motivohet politikisht.
Autoritetet amerikane kanë 14 ditë për ta apeluar vendimin. Assange ndërkaq do kthehet në burgun Belmarsh ku dhe po rri, ku do të përgatitet edhe një kërkesë për ndenjien e mëtejshme aty.
