Zëvendës ministri lituanez i Mbrojtjes Margiris Abukevicius u ka bërë thirrje të gjithë shtetasve lituanezë, t’i hedhin tutje telefonat kinezë që disponojnë e të mos blejnë më të rinj. Shkak për këtë thirrje, janë bërë përfundimet një studimi kryer prej National Cyber Security Center, i cili ka testuar celularët 5G të prodhuesëve kinezë.
Sipas këtij studimi, dy prej telefonave kinezë Xiaomi dhe Huawei rezultojnë problematikë, e më konkretisht Xiaomi me software censurimi të integruar brenda, kurse Huawei me difekte sigurie.
Po sipas këtij studimi, telefoni Mi 10T 5G i Xiaomi-t, ka të integruar një software të aftë të censurojë togfjalësha ose terma të tipit “Tibeti i lirë “, “Jetë të gjatë pavarësisë së Tajvanit” o “apo lëvizja për demokraci”, e se deri më tani, prej këtij studimi, në të janë evidentuar më shumë se 449 terma që app-i i sistemit të telefonit mund të censurojë, përfshi dhe browser-in e internetit të paracakuar.
Edhe pse për Evropën ky funksion qe çaktivizuar tek këto modele, studimi thotë se ato mund të aktivizohen sërish pa asnjë problem e kur të duash.
Kompanitë e telefonave ndërkaq i kanë hedhur poshtë këto pretendime, duke deklaruar se Huawei nuk eksporton jashtë asnjë të dhënë të përdoruesëve, e se Xiaomi nuk i censuron komunikimet: “Pajisjet e Xiaomi-t janë shprehur ata, nuk i censurojnë komunikimet nga ose drejt përdoruesëve të vet. Kjo kompani nuk ka kufizuar e as nuk do të kufizojë kurë asnjë sjellje personale të përdoruesëe tanë të smartfonëve, si kërkimi, thirrjet, lundrimi në internet apo përdorimi i software-it të komunikimit, nga palë të treta.“
