Pediatrja Lira Gjika u ka dhënë sot një tjetër shuplakë tërë atyre mësueseve që përpiqen t’i mësojnë brezat duke u vënë në pah vetëm gabimet e tyre. Ju nuk jeni për t’i gjykuar ata, thotë Lira, por për t’i mësuar.
Sa më poshtë shënimi i plotë I pediatres Lira Gjika.
Të rritur, prindër, mësues dhe edukatorë, ju nuk jeni gjykatësit e fëmijëve, por edukatorët e tyre. Ju, te fëmijët, më së shumti, shihni të metat dhe jo arritjet e tyre. Është e vërtetë që arritjet janë më të padukshme se të metat apo gabimet, të cilat për fat dallohen të parat. Fëmijët po rriten, dhe kanë nevojë për mbështetjen dhe aprovimin tuaj dhe jo për gjykimin tuaj. Gjykimi ju tremb edhe ju vetë, prindër, mësues apo edukatorë. Evidentimi i mosarritjeve ju shpërqëndron të dy palëve, prindërit në prindërimin e tyre dhe mësuesit e edukatorët në profesionalizmin e tyre. Edukimi është detyra më e vështirë, që njeriu përballet, pasi ka të bëjë me një kombinim të komplikuar të gjuhës, memorjes, të fjalës, të së shkuarës dhe të ardhmes, që bashkohen të gjitha në të tashmen, për tu zhvilluar. Edhe pse edukimi është proces i vështirë, njerzit ja kanë dalë duke përdorur përgjegjësinë, vetëdijen dhe sidomos dashurinë për jetën dhe të ardhmen pra dashurinë për fëmijën. Të rriturit për fëmijën janë si toka për bimën e mirë ose e keqe që e zhvillon ose jo bimën. Edukimi nuk është gjykim, por mbështetje, bashkëpunim dhe vlerësim . Lira Gjika
