Në orët e para të 3 janarit, Delta Force e Shteteve të Bashkuara arrestuan Presidentin Venezuelian Nicolas Maduro dhe gruan e tij, Cilia Flores, në rezidencën presidenciale në kryeqytetin Karakas.
Por kush është Cilia Flores, e ashtuquajtura “luftëtarja e parë” e Venezuelës?
Jeta e hershme
Flores, 69 vjeç, lindi më 15 tetor 1956, në Tinaquillo në Venezuelën qendrore. Ajo u rrit në ato zona të Karakasit perëndimor që përshkruhen rëndom si “lagje të klasës punëtore”.
Ajo u diplomua nga Universitetin “Santa Maria” në Karakas si avokate e specializuar në të drejtën e punës e atë penale. Ajo u bë e njohur kur drejtoi ekipin që i ofroi ndihmë ligjore udhëheqësit ushtarak Hugo Chavez në vitin 1992, pasi ai u përpoq të rrëzonte presidentin e atëhershëm të Venezuelës, Carlos Andres Perez.
Thuhet se Flores ndihmoi në lirimin e Chavezit nga burgu në vitin 1994, duke përgatitur kandidimin e tij të suksesshëm për president në vitin 1999. Ajo do të bëhej anëtare e rëndësishme e lëvizjes “Chavismo”, emërtuar sipas emrit të Chavezit. Pikërisht përmes kësaj lëvizjeje, ajo takon edhe bashkëshortin e saj të ardhshëm, Maduron, i cili është 63 vjeç dhe e thërret “Cilita”. Të dy janë partnerë për më shumë se tri dekada.
Ajo ka tre fëmijë nga një martesë e mëparshme.
Karriera politike
Fama e Flores nuk erdhi vetëm nëpërmjet pozicionit të saj si partnere e Maduros. Në vitin 1999, Chavez u zgjodh president. Një vit më vonë, në vitin 2000, Flores u zgjodh në Asamblenë Kombëtare të Venezuelës, në legjislaturën federale, duke përfaqësuar Kojedes, shtetin e saj të lindjes.
Ajo u rizgjodh në vitin 2005 dhe në vitin 2006, duke pasuar Maduron e duke u bërë gruaja e parë që kryesoi parlamentin e Venezuelës.
Në vitin 2009, Flores u bë nënkryetarja e dytë e Partisë Socialiste të Bashkuar të Venezuelës të Chavezit dhe në vitin 2012, Chavezi e emëroi si prokuroren e saj të përgjithshme.
Pas vdekjes së Chavezit, në 2013-n, Maduro e pasoi atë duke fituar zgjedhjet kundër kandidatit të opozitës Henrique Capriles. Në korrik të 2013-s, Maduro dhe Flores u martuan pas më shumë se dy dekadash së bashku.
Pozicioni i ri si “luftëtare e parë”, bëri që Flores të largohej nga vëmendja dhe të fillonte të punonte prapa skenave.
Megjithatë, në vitin 2017, ajo u rikthye në politikë pasi u zgjodh në Asamblenë Kushtetuese, një grup që u zgjodh për të hartuar një kushtetutë të re të Venezuelës. Në vitin 2021, ajo u zgjodh përsëri në Asamblenë Kombëtare. Aktualisht qe deputete në Asamblenë Kombëtare.
