Me arratisjen e Bashar al Asadit nga Siria, përfundon një epokë, ajo e regjimit të udhëhequr prej 50 vitesh nga familja Assad. Pra Bashar është i fundit i dinastisë. Ai ishte në pushtet në Siri që nga viti 2000, i konsideruar autokratik, që qeverisi me grusht të hekurt, duke shtypur me gjak Pranverën Arabe të vitit 2011.
Kush është Bashar al Assad?
Bashar nuk ishte i destinuar të bëhej president. Ai kishte studiuar për mjekësi dhe u transferua në Londër për t’u specializuar në oftalmologji. Në vitin 1994, jeta e tij ndryshoi. Vëllai i tij, Basili, trashëgimtari i caktuar, humbi jetën në një aksident automobilistik. Në vitin 2000, pas vdekjes së babait të tij, Hafezit, i cili kishte sunduar Sirinë për 30 vjet, në pushtet erdhi i riu Bashar, asokohe 34-vjeç, pa përvojë politike.
Lufta civile e vitit 2011 në Siri
Në vitin 2011, kur Pranvera Arabe përfshiu Sirinë, demonstratat u shtypën shpejt me gjakderdhje dhe e tëra degjeneroi në një luftë civile, që përfshiu forca të ndryshme xhihadiste, përfshirë ISIS-in. Ai arriti të qëndrojë në pushtet falë mbështetjes masive nga Rusia, Irani dhe Hezbollahu nga Libani. Me prejardhje alavite, ai u paraqit si mbrojtësi i pakicave siriane dhe mburoja e vetme kundër ekstremizmit dhe kaosit. Gjithmonë i patëmetë, me kostume të qepura mirë dhe veshje normale krahasuar me veshjet ushtarake të preferuara nga i ati, nën pamjen e tij të qetë dhe thuajse të turpshme, kultivoi gjithmonë dëshirën për të ruajtur me çdo kusht pushtetin. Megjithatë, për shumë sirianë, kur Bashar erdhi në pushtet, ai mishëroi imazhin e një reformatori, i aftë për t'i dhënë fund viteve të represionit dhe për të krijuar një ekonomi më liberale sesa kontrolli mbytës shtetëror i vendosur nga babai i tij Hafez për 30 vjet.
Imazhi i presidentit
Imazhi i tij fillimisht informal dhe reformist u shpërbë shumë shpejt. Në fillim ai u pa me gruan e tij Asma, e cilësuar nga Vogue si "trëndafili i shkretëtirës" për sharmin dhe bukurinë e saj, duke darkuar në restorante në Damask. Me kalimin e kohës, ai filloi të arrestonte intelektualë, mësues dhe anëtarë të lëvizjes reformiste, duke shuar ëndrrat e një populli për demokraci dhe liri. Gjatë luftës civile e cila shkaktoi më shumë se 500,000 vdekje dhe detyroi gjysmën e popullsisë të evakuohej, Assadi mbeti në pozicionet e tij.
Përmes politikës së këmbënguljes dhe rigorozitetit, ai kishte arritur të monopolizonte fuqitë vendimmarrëse dhe të garantonte mbështetjen e plotë të ushtrisë. Ndër simbolet më të forta të rënies së Damaskut, është hapja e burgut të keq Sednaya ku u burgosën, u torturuan dhe u vranë mijëra kundërshtarë të pushtetit të dinastisë al-Assad.
Imazhi i presidentit
Imazhi i tij fillimisht informal dhe reformist u shpërbë shumë shpejt. Në fillim ai u pa me gruan e tij Asma, e cilësuar nga Vogue si "trëndafili i shkretëtirës" për sharmin dhe bukurinë e saj, duke darkuar në restorante në Damask. Me kalimin e kohës, ai filloi të arrestonte intelektualë, mësues dhe anëtarë të lëvizjes reformiste, duke shuar ëndrrat e një populli për demokraci dhe liri. Gjatë luftës civile, e cila shkaktoi më shumë se 500,000 vdekje dhe detyroi gjysmën e popullsisë të evakuohej, Assad mbeti gjithmonë në pozicionet e tij.
