Ministrja Infrastrukturës dhe Energjitikës Belinda Balluku ka publikuar në fejsbukun e saj elektroshtëpiaket që po të përdoren një muaj rresht, harxhojnë 800 kWh.
“Çfarë aktivitetesh shtëpiake mbulojnë 800kWh?” shkruan Balluku në statusin e saj. “Lexoni tabelën dhe krahasoni konsumin tuaj mujor. Kursimi është ajo çka të gjithë duhet të bëjmë në këtë moment të vështirë të krizës energjetike në mbarë botën. Kursejmë që të kemi!”
Edhe pse ministrja e Energjitikës, saktëson se sa ditë duhet vënë makina larëse, në prag të ditëve të ftohta të vjeshtës, ajo nuk cilëson aspak se sa orë duhet mbajtur kondicioneri, marrë parasysh që në një familje, mund të ketë edhe foshnja, por edhe mosha të thyera.
