Ministria e Jashtme Hollandeze ka paralajmëruar në faqen e saj zyrtare turistët hollandezë që vizitojnë Shqipërinë në këtë periudhë.
Teksa thekson se Shqipëria ka kodin jeshil, sa i takon rendit dhe qetësisë, në njoftimin e Ministrisë së Jashtme gjendet edhe një paralajmërim sa i takon Vlorës.
“Vlora është mbushur me tym toksik për hir se janë djegur mbetjet”, shkruhet në paralajmërimin e saj. “Bëni kujdes nëse shkoni atje. Për hir të diellit të nxehtë, mund të ketë sërish zjarr. Informohuni pranë autoriteteve lokale.”
Kujtojmë që para pak ditësh qyteti i Vlorës u pushtua prej tymit të mbetjeve, një tym që me sa duket ka shqetësuar edhe përfaqësitë e huaja diplomatike në vend.
