Kryeministri holandez, Mark Rutte, kryeministri më jetëgjatë i Holandës, ka deklaruar pak më parë se do të largohet përfundimisht nga politika, pas zgjedhjeve të përgjithshme shkaktuar nga dorëheqja e qeverisë së tij.
Rutte, lideri 56-vjeçar i Partisë Popullore për Liri dhe Demokraci, ose VVD, me rreth 13 vite në pushtet, edhe pse qeverisjeve të tij nuk i kanë munguar skandalet, e njoftoi vendimin e tij përgjatë një debati në parlament, organizuar me ngut për të diskutuar rënien e koalicionit të tij të fundit qeverisës.
“Dje në mëngjes mora vendim që nuk do të jem më në dispozicion si udhëheqës i VVD-së. Kur një kabinet i ri të marrë detyrën pas zgjedhjeve, unë do të largohem nga politika”, deklaroi ai.
Rutte i quajtur është një “vendim personal, pavarësisht nga zhvillimet e javëve të fundit”.
Koalicioni qeverisës me katër parti të Rutte dha dorëheqjen të premten pasi nuk arriti të binte dakord për një paketë masash për të frenuar migracionin. Rutte deklaroi se ishte një vendim unanim nga të katërta partitë partnere, nxitur nga “dallimet e papajtueshme”.
Data për zgjedhjet e reja në Holandë nuk është caktuar ende, por nuk pritet që ato të ndodhin përpara tetorit apo nëntorit të vitit ku jemi/ MetropolPost.al
