Ka dështuar ditën e sotme votimi i parë për zgjedhjen e presidentit të Kosovë, votim i cili u krye gjatë një seance të jashtëzakonshme parlamentare. Në garë për këtë post qenë nominuar zyrtarisht presidentja aktuale Vjosa Osmani dhe Nasuf Bejda.
Në fjalën e tij gjatë kësaj séance, përfaqësuesi I PDK Enver Hoxhaj, u shpreh se për PDK-në kjo seancë qe seancë e poshtërimit, dhe se Vjosa Osmani nuk po rizgjidhej presidente, por ishte Kurti që po e shpinte atë në Presidencë, me qëllim që të kishte kontroll mbi gjithçka.
Për zgjedhjen e Presidentit, u shpreh Hoxhaj duhet të arrihet një kompromis i gjerë, në mënyrë që Presidenti të jetë sa më konsensual, përfaqësues i gjithë shoqërisë. Për këtë unë jam takuar me Kurtin, por duhet ta dijë populli i Kosovës, që nuk ka pasur interesim, as për konsesus politik, as shoqëror as partikiak, por më shumë ka pasur një logjikë të nënshtrimit dhe jo të kompromisit. Ne, kësaj qasjeje, si PDK i themi jo, i kemi thënë atë ditë e i themi dhe sot. Sot këtë seancë e shohim si seancë të poshtërimit, sepse sot zoti Kurti ka vendosur ta zgjedhë zonjën Osmani si presidente. Vjosa Osmani nuk po zgjidhet si presidente, atë po e emëron zoti Kurti dhe zoti Kurti po e dërgon zonjën Osmani në Presidencë për një qëllim: që të ketë kontroll absolut mbi institucionet e pavarura, mbi gjyqësorin, mbi ushtrinë, mbi shërbimin inteligjent, mbi shërbimin e jashtëm, sikurse ka kontrollin e plotë edhe mbi këtë kuvend e mbi qeverinë. Çfarë mendon zoti Kurti, për individin, për shoqërinë, për zgjedhjen e Presidentit, nuk i ngjan një demokrati, por një autokrati. Albin mund të gjesh këdo për ta shantazhuar në këtë Parlament, por jo Partinë Demokratike të Kosovës. PDK-ja kësaj i thotë jo. Ne më shumë preferojmë zgjedhje, se sa të bëhemi pjesë e kësaj drame, që pjesën e parë e kishte dje dhe të dytën sot, u shpreh Hoxhaj
Edhe pse në sallë qenë 82 deputetë, sërish kuorimi i nevojshëm prej 82 vetash për zgjedhjen e Presidentit ose për kalimin në votimin e dytë nuk u mbërrit, ndaj ai u votimi u shty për ditën e nesërme.
Por cila është procedura e zgjedhjes së Presidentit në Parlamentin e Kosovës?
Sipas Kushtetutës së Kosovës,
- Presidenti zgjidhet me votim të fshehtë;
- Për zgjedhjen e Presidentit të Kosovës, gjatë tri votimeve duhet të ketë më shumë se 1 kandidat;
- Në votimin e parë e të dytë, Presidenti i Kosovës zgjidhet me 2/3 e të gjithë deputetëve të Kuvendit, pra me 80 vota për;
- Në votimin e tretë, Presidenti zgjidhet më shumicën e votave të të gjithë deputetëve të kuvendit të kosovës, pra të paktën 61 vota për;
- Në votimin e parë duhet të marrin pjesë të paktën 80 deputetë, dhe nëse marrrin pjesë më pak se 80, konsiderohet se nuk ka korum për vendimmarrje, ndaj duhet të përseritet;
- Nëse në të marrin pjesë 80 deputetë e asnjë nuk merr votat e nevojshme për, atëherë organizohet votimi i dytë;
- Në votimin e dytë duhet të marrim pjesë të paktën 80 deputetë dhe nëse në votim marrin pjesë më pak se 80 deputetë, konsiderohet se nuk ka korum për vendimarrje, ndaj përsëritet votimi i dytë, por nëse në votimin e dytë kanë marrë pjesë 80 deputete dhe asnjë nuk i merr votat e nevojshme, të paktën 80 vota për, atëherë organizohet votimi i tretë
- Në votimin e 3, duhet të marrin pjesë 61 deputete, nëse nuk marrin pjesë 61 deputetë, atëherë përsëritet votimi, e nëse marrin pjesë 61 vetë, por nuk fiton asnjë kandidat, pra nuk merr 61 vota, Kuvendi i Kosovës shpërndahet dhe bëhen zgjedhjet e reja, të cilat duhet të mbahen brenda 45 ditësh.
