Presidenti i SHBA, Joe Biden ka deklaruar gjendjen e jashtëzakonshme për Teksasin, duke i hapur kështu udhë shpenzimeve më të mëdha nga fondet federale, në sa i takon ndihmës së shpejtë.
Edhe pse ndriçimi po kthehet gradualisht në tërë vendin dhe temeperaturat po fillojnë të ngrihen, sërish rreth 14 milionë veta janë ende në vështirësi për ujë të pijshëm, deklarojnë mediet amerikane.
Deri më tani, në Shtetet e Bashkuara të Amerikës të ftohtit i janë atribuar rreth 60 vdekje, dhe një sërë vendesh, përfshi edhe Oklahomën e Luizianën, janë në vështirësi për hir të motit të keq.
Në një deklaratë nga Shtëpia e Bardhë për Teksasin, Biden u shpreh se kishte urdhëruar “që ndihma federale të integrohej me përpjekjet për rimëkëmbjen e shteteve dhe vendeve në zonat e goditura prej stuhive të forta dimërore”, çka nënkupton strehime të përkohëshme dhe riparime shtëpish, hua me kosto të ulët për të mbuluar humbjet e pronave të pasiuruara, si dhe programme të tjera për të ndihmuar njerëzit e bizneset të marrin veten prej stuhive dimërore.
Por çfarë ndodhi në Teksas?
Rrjet i energjisë së shtetit jug-perëndimor ra i tëri kur temperaturat në fillim të kësaj jave shkuan -18 gradë celcius, më të ulëtat e 30 viteve të fundit. Thuajse 80.000 shtëpi qenë ende pa elektricitet të shtunën në mënges, ndërkohë që në fillim të javës, mes temperaturave ngrirëse qenë 3.3 milionë shtëpi e ndërmarrje.
