Kastrati krijon 2 kompani të tjera Holding, për veprimtari në fushën e Aviacionit Civil
Kompania “Kastrati”, një prej kompanive më të përfolura në tregun shqiptar, e po ashtu edhe menaxhuesja e Aeroportit Ndërkombëtar “Nënë Tereza” ka hapur së fundmi edhe dy kompani të tjera në fushën e aviacionit civil.
Njoftimin e jep drejtoresha ekzekutive e Open Data Albania, Arianita Brahaj, e cila, në një shënim të vetin sqaron se Kastrati ka krijuar edhe dy kompani të tjera në fushën e aviacionit civil, duke pasur kështu të drejtën të kryejë cfarëdolloj veprimtarie që lejon legjislacioni në fuqi i republikës së Shqipërisë në këtë drejtim. Bashkëngjitur me këtë njoftim, Brahaj ofron edhe një listë të plotë të kompanive nën zotërimin e Kastratit, të cilat MetropolPost.al, po i sjell bashkengjitur.
Shënimi i plotë i znj. Brahaj
Krijohet shoqëria Holding KASTRATI AVIATION
Kastrati krijon 2 kompani të tjera Holding për veprimtari në fushën e Aviacionit Civil
Në muajin mars dhe Prill në Regjistrin e Biznesit janë regjistruar dy shoqëri te tjera: KASTRATI AVIATION HOLDING dhe Albanian Aviation Management
Kompania e Parë me aktivitetin ne fushën e aviacionit civil, shoqëria organizohet dhe funksionon si një shoqëri HOLDING, me pjesëmarrje direkt ose indirekte ne kapitalin tregtar te shoqërive te tjera tregtare, vendase ose te huaja. Ne këtë aspekt shoqëria mund te koordinoje, organizoje, kontrolloje dhe menaxhoje ne cilesine e shoqërisë HOLDING, ne aspektin ligjor, teknik, administrativ, financiar dhe strukturor te gjitha shoqëritë e grupit dhe/ose shoqëri te tjera qe veprojnë ne industrinë e aviacionit civil, duke krijuar për këtë qellim borde te centralizuara menaxhimi dhe administrimi si dhe duke ofruar shërbime te këshillimit financiar, teknik, zhvillimit strategjik, zhvillimit te biznesit etj; Shoqëria mund te kryeje çfarëdo veprimtarie tjetër qe lejohet nga legjislacioni ne fuqi i Republikës se Shqipërisë.
Të tjera shoqëri të zotëruara nga zoti Shefqet Kastrati janë në këtë link
