Në një video bërë publike para dy ditësh, gruaja e kundërshtarit më të fortë të Putinit, Alexei Navalny-t, vdekur disa ditë më parë në burg gjatë xhiros së përditshme, ka deklaruar se bashkëshortin e saj e ka vrarë Putin, duke e helmuar me noviçok.
“Burrin tim e vrau Putini. Unë do të vazhdoj veprën e Alexeit, do të vazhdoj të luftoj për vendin tonë. Dhe ju ftoj të qëndroni pranë meje dhe të ndani me mua urrejtjen e atyre që guxuan të vrasin të ardhmen tonë. Duke vrarë burrin tim, Putini shkatërroi gjysmën time. Por unë kam ende gjysmën tjetër, e cila më thotë se nuk kam të drejtë të heq dorë. Kam ndërmend të vazhdoj punën e Alexei Navalny: të vazhdoj të luftoj për vendin tonë. Alexei është helmuar me Novichok. Helmi i përdorur për të vrarë Alexei Navalny është Novichok. Nuk duhet të frikësohemi. Duhet të përdorim çdo mundësi për të luftuar kundër luftës, kundër korrupsionit, kundër padrejtësisë. Luftoni për zgjedhje të ndershme dhe për lirinë e fjalës, luftoni për vendin tonë. Unë jam gati me ju për të ndërtuar pikërisht atë lloj Rusie që pa Navalny: një vend ku vlerësohet dinjiteti, drejtësia dhe dashuria”, tha mes të tjerave Yulia Navalny, e cila këmbëngul se autoritetet po e fshehin trupin e burrit të saj, për të lejuar që gjurmët e noviçokut, një agjent nervor, të largohen nga trupi
Sipas shërbimit penitenciar rus, Alexei Navalny u u sëmur gjatë një shëtitje të premten më 16 shkurt, duke vdekur në vend prej trompozës.
.
