Izraeli ka nisur vaksinimin me dozën e tretë të vaksinës anti-covid, të të gjithë atyre që janë 60 vjeç e sipër.
Dy vullnetarët e parë që e kanë marrë dozën e tretë në praninë e Kryeministrit, qenë presidenti Isaac Herzog dhe e shoqja, ndërsa më vonë janë vaksinuar me dozën e tretë edhe ish-kryeministri Netanyahu dhe bashkëshortja Sara.
Izraeli është vendi i parë që nis marrjen e dozës së tretë, këshilluar për moshat 60 vjeç e sipër. Vendimi u njoftua të enjten më 29 korrik, prej kryeministrit Naftali Bennet, ndërkohë që numri i të prekurëve në vend ka nisur të pësojë rrijtje.
Nga të dhënat e deri më tanishme, duket se vaksinat nuk kanë një mbrojtje 100% ndaj variantit Delta. Sipas ekspertëve, më të mirat sa i takon imunitetit janë ato mRna, por edhe në rastet më të mira, siç dëshmojnë edhe të dhënat e Izraelit, përballë variantit Delta kemi një mbrojtje rreth 70%.
